News June 20, 2024
HYDలో ఈ సమస్యలు తీరేదెన్నడు..?
HYDలో వర్షాకాలంలో ప్రజల ఇబ్బందులు కొన్నేళ్లుగా తీరడం లేదు. వేసవిలో పనులు ప్రారంభించినా.. సమస్య తీరే దిశగా పనులు సాగటం లేదు. రోడ్లపై నీరు నిలవడం, గల్లీలు మునిగిపోవడం, బైకులు కొట్టుకుపోవడం, ఇళ్లలోకి వరద నీరు, డ్రైనేజీ పొంగిపొర్లడం, ప్రమాదకరంగా మ్యాన్ హోల్, స్తంభాల ఏర్పాటు వంటి ఎన్నో సమస్యలు ఏళ్లు గడుస్తున్నా తీరటం లేదని సాటి హైదరాబాదీలు అంటున్నారు. దీనిపై మీ కామెంట్?
Similar News
News November 30, 2025
విలీనం తరువాత GREATER HYDERABAD AUTHORITY?
GHMC ఇక కనుమరుగు కానుందా.. విలీనం తరువాత ప్రభుత్వం పరిపాలనలో మార్పు తీసుకురానుందా? అంటే అవుననే అంటున్నాయి ప్రభుత్వ వర్గాలు. మున్సిపాలిటీల విలీనం తరువాత పరిపాలన సజావుగా సాగేందుకు ప్రభుత్వం GREATER HYDERABAD AUTHORITY (GHA) ఏర్పాటు చేయనున్నట్లు తెలిసింది. దాదాపు 10 కార్పొరేషన్లు ఏర్పాటు చేసి వీటిని GHA పరిధిలోకి తేవాలని ఆలోచిస్తున్నట్లు తెలిసింది. ఈ మేరకు అధికారులు స్టడీ చేస్తున్నట్లు సమాచారం.
News November 30, 2025
HYD: ప్రారంభం సరే.. మరి పోస్టుల సంగతేంటి సారూ.?
సనత్‌నగర్ టిమ్స్ ఆస్పత్రిని సోనియా గాంధీ జన్మదినమైన డిసెంబర్ 9న ప్రారంభించి బహుమతిగా ఇస్తామని సీఎం రేవంత్ రెడ్డి గతంలో ప్రకటించారు. అయితే ప్రారంభోత్సవంపై నీలి నీడలు కమ్ముకున్నట్లు తెలుస్తోంది. ఇంతవరకు ఆస్పత్రిలో అసలు సిబ్బంది నియామకమే జరగలేదు. సేవలందించేందుకు మొత్తం ఎంతమంది అవసరం అనేది వైద్యశాఖ కనీసం అంచనాకు కూడా రాలేదని సమాచారం. దీంతో ప్రారంభోత్సవం జరుగుతుందా అనే అనుమానాలు వస్తున్నాయి.
News November 30, 2025
HYD: గ్లోబల్ సమ్మిట్‌లో అద్భుత డ్రోన్ షో.. రికార్డు బద్దలు
వేలకొద్దీ డ్రోన్లు.. విచిత్ర విన్యాసాలు.. అక్షరాలుగా కూర్పు.. ఇవన్నీ గ్లోబల్ సమ్మిట్ వేడుకల్లో కనువిందు చేయనున్నాయి. 3వేల డ్రోన్లను ఉపయోగించి ఆకాశంలో ‘‘తెలంగాణ ఎస్ రైజింగ్ కం జాయిన్ ది రైజ్’’ అనే వాక్యాన్ని రూపొందించనున్నారు. ఇంత పెద్ద వాక్యం ఇంతవరకు డ్రోన్లతో ఎక్కడా ప్రదర్శించలేదు. 2025లో అబుదాబిలో 2,131 డ్రోన్లను ఉపయోగించి HAPPY NEW YEARను ప్రదర్శించారు. ఇపుడు ఆ రికార్డును బద్దలుకొట్టనున్నారు.