News February 20, 2025

HYDలో KCR సమావేశం.. కీలకనేతలు డుమ్మా

image

తెలంగాణ భవన్‌లో బుధవారం KCR అధ్యక్షతన జరిగిన పార్టీ విస్తృత స్థాయి సమావేశానికి ఆ పార్టీ కీలక నేతలు రాకపోవడంతో తీవ్ర చర్చనీయాంశంగా మారింది. మాజీ మంత్రులు గంగుల కమలాకర్, మల్లారెడ్డి, మల్కాజిగిరి ఎమ్మెల్యే మర్రి రాజశేఖర్ రెడ్డి, ఉప్పల్ ఎమ్మెల్యే లక్ష్మారెడ్డి వదిన దశదినకర్మ నేపథ్యంలో హాజరు కాలేకపోయారని పార్టీ వర్గాల సమాచారం. కాగా.. మిగతా ఎమ్మెల్యేలు గైర్హాజరుకు గల కారణాలు తెలియాల్సింది ఉంది.

Similar News

News November 30, 2025

హన్మకొండ జిల్లాలో నామినేషన్ల ఏర్పాట్లు పరిశీలించిన కలెక్టర్

image

హన్మకొండ జిల్లాలో రెండవ విడత పంచాయతీ ఎన్నికలకు నామినేషన్ల స్వీకరణ ప్రక్రియ ఆదివారం మొదలైంది. హసన్పర్తి మండలంలోని సీతంపేట, నాగారం క్లస్టర్ కేంద్రాలను కలెక్టర్ స్నేహ శబరీష్ సందర్శించి ఏర్పాట్లను పరిశీలించారు. నామినేషన్ ప్రక్రియను సక్రమంగా నిర్వహించాలని, హెల్ప్ డెస్క్‌లు ఏర్పాటు చేసి, విధుల్లోని అధికారులు గుర్తింపు కార్డులు ధరించాలని ఆమె ఆదేశించారు. ఈ పర్యటనలో జెడ్పీ సీఈవో రవి, పాల్గొన్నారు.

News November 30, 2025

ప్రకాశం జిల్లాలో ఎయిడ్స్ కేసులు తగ్గాయి.!

image

ప్రకాశం జిల్లాలో ఎయిడ్స్ వ్యాధి తగ్గుముఖం పట్టిందని జిల్లా ఎయిడ్స్ నియంత్రణ అధికారి G.బాలాజీ అన్నారు. 2020-21లో 82419 మందికి టెస్ట్ చేయగా 897 మందికి నిర్ధారణ అయింది. 2021-22లో 202901కి గాను 1250, 2022-23లో 245611కి గాను 1173, 2023-24లో 120334కి గాను 930, 2024-25లో 165269 మందికి గానూ 692, 2025-26 ఇప్పటి వరకు 79901 మందికి టెస్ట్ చేయగా 354 కేసులతో రాష్ట్రంలోనే ప్రకాశం జిల్లా 18వ స్థానంలో నిలిచింది.

News November 30, 2025

అది అభివృద్ధి కాదు.. భూ దోపిడీ: బొత్స

image

విశాఖ భూముల దోపిడీకి అడ్డాగా మారిందని MLC బొత్స సత్యనారాయణ తీవ్ర విమర్శలు చేశారు. రైతులకు గిట్టుబాటు ధర లేక నష్టాల్లో ఉన్నా ప్రభుత్వం పట్టించుకోవడం లేదన్నారు. ‘లులూ ఒక పనికిమాలిన సంస్థ. రూ.కోట్లు విలువైన భూములను 99 పైసలకే రియల్ ఎస్టేట్ కంపెనీలకు కట్టబెట్టే ప్రయత్నం జరుగుతోంది. విశాఖలో భూములు వేలం పెట్టి ఇవ్వాలి’ అని అన్నారు. కేజీహెచ్, భోగాపురం అంశాల్లో కూడా ప్రభుత్వం వైఖరిని ఆయన తప్పుబట్టారు.