News October 17, 2024
HYD: అమ్మవారి విగ్రహ ధ్వంసం ఘటన వెనక సంచలన నిజాలు
సికింద్రాబాద్ ముత్యాలమ్మ గుడిపై దుండగుడి దాడి విషయం తెలిసిందే. కాగా ఈ ఘటనకు వెనకున్న సంచలన విషయాలు పోలీసులు వెల్లడించారు. మెట్రోపోలీస్ హోటల్‌లో నిర్వహించిన సమావేశంలో ప్రసంగాలకు ప్రభావితుడైన నిందితుడు దాడికి పాల్పడ్డాడని తేల్చారు. 140 మందికిపైగా అకామిడేషన్ కల్పించి, భారీ సమావేశం నిర్వహించినప్పటికీ తమకు సమాచారం ఇవ్వకపోవడంతో హోటల్ యాజమాని, మేనేజర్‌పై కేసు నమోదు చేసి, హోటల్ సీజ్‌కు సిద్ధమయ్యామన్నారు.
Similar News
News November 30, 2025
విలీనం తరువాత GREATER HYDERABAD AUTHORITY?
GHMC ఇక కనుమరుగు కానుందా.. విలీనం తరువాత ప్రభుత్వం పరిపాలనలో మార్పు తీసుకురానుందా? అంటే అవుననే అంటున్నాయి ప్రభుత్వ వర్గాలు. మున్సిపాలిటీల విలీనం తరువాత పరిపాలన సజావుగా సాగేందుకు ప్రభుత్వం GREATER HYDERABAD AUTHORITY (GHA) ఏర్పాటు చేయనున్నట్లు తెలిసింది. దాదాపు 10 కార్పొరేషన్లు ఏర్పాటు చేసి వీటిని GHA పరిధిలోకి తేవాలని ఆలోచిస్తున్నట్లు తెలిసింది. ఈ మేరకు అధికారులు స్టడీ చేస్తున్నట్లు సమాచారం.
News November 30, 2025
HYD: ప్రారంభం సరే.. మరి పోస్టుల సంగతేంటి సారూ.?
సనత్‌నగర్ టిమ్స్ ఆస్పత్రిని సోనియా గాంధీ జన్మదినమైన డిసెంబర్ 9న ప్రారంభించి బహుమతిగా ఇస్తామని సీఎం రేవంత్ రెడ్డి గతంలో ప్రకటించారు. అయితే ప్రారంభోత్సవంపై నీలి నీడలు కమ్ముకున్నట్లు తెలుస్తోంది. ఇంతవరకు ఆస్పత్రిలో అసలు సిబ్బంది నియామకమే జరగలేదు. సేవలందించేందుకు మొత్తం ఎంతమంది అవసరం అనేది వైద్యశాఖ కనీసం అంచనాకు కూడా రాలేదని సమాచారం. దీంతో ప్రారంభోత్సవం జరుగుతుందా అనే అనుమానాలు వస్తున్నాయి.
News November 30, 2025
HYD: గ్లోబల్ సమ్మిట్‌లో అద్భుత డ్రోన్ షో.. రికార్డు బద్దలు
వేలకొద్దీ డ్రోన్లు.. విచిత్ర విన్యాసాలు.. అక్షరాలుగా కూర్పు.. ఇవన్నీ గ్లోబల్ సమ్మిట్ వేడుకల్లో కనువిందు చేయనున్నాయి. 3వేల డ్రోన్లను ఉపయోగించి ఆకాశంలో ‘‘తెలంగాణ ఎస్ రైజింగ్ కం జాయిన్ ది రైజ్’’ అనే వాక్యాన్ని రూపొందించనున్నారు. ఇంత పెద్ద వాక్యం ఇంతవరకు డ్రోన్లతో ఎక్కడా ప్రదర్శించలేదు. 2025లో అబుదాబిలో 2,131 డ్రోన్లను ఉపయోగించి HAPPY NEW YEARను ప్రదర్శించారు. ఇపుడు ఆ రికార్డును బద్దలుకొట్టనున్నారు.