News July 16, 2024
HYD: ఆసుపత్రులకు పోటెత్తారు.. జర జాగ్రత్త..!
HYD, RR, MDCL, VKB జిల్లాల్లో భారీ వర్షాలు కురుస్తుండడంతో డెంగ్యూ, డిఫ్తీరియా కేసులు క్రమంగా పెరుగుతున్నాయి. బాధితుల్లో ఎక్కువ శాతం చిన్నారులు ఉండటం ఆందోళన కలిగిస్తోంది. నిలోఫర్‌లో 2 రోజుల్లో ఏడుగురు, గాంధీలో నలుగురు చిన్నారులు డెంగ్యూతో చేరారు. నల్లకుంట ఫీవర్‌ హాస్పిటల్‌తో పాటు ప్రైవేట్ ఆస్పత్రుల్లోనూ రోగుల రద్దీ ఎక్కువైంది. కాచి చల్లారిన నీటిని తాగాలని, వేడి ఆహారం తినాలని వైద్యులు చెబుతున్నారు.
Similar News
News October 11, 2024
HYD: అలయ్ బలయ్ కార్యక్రమానికి సీఎంకు ఆహ్వానం
గవర్నర్ బండారు దత్తాత్రేయ కుమార్తె విజయలక్ష్మి శుక్రవారం CM రేవంత్ రెడ్డిని అలయ్ బలయ్‌కు ఆహ్వానం అందించారు. జూబ్లీహిల్స్‌లోని ఆయన నివాసం వద్ద మర్యాదపూర్వకంగా కలిసి ఈనెల 13న నాంపల్లిలోని ఎగ్జిబిషన్ గ్రౌండ్‌లో జరిగే ఈ కార్యక్రమంలో పాల్గొనాలని కోరుతూ సీఎంకు ఆహ్వాన పత్రికను అందజేశారు.
News October 11, 2024
HYD: CM రేవంత్ రెడ్డి అత్యుత్సాహం తగ్గించుకోవాలి: చెన్నయ్య
ఎస్సీలలో ఎక్కువగా లబ్ది పొందింది మాదిగ కులస్తులేనని, తెలంగాణలో ఎస్సీ వర్గీకరణ అవసరం లేదని ఎస్సీ వర్గీకరణ వ్యతిరేక పోరాట సమితి ఛైర్మన్ జి.చెన్నయ్య స్పష్టం చేశారు. బషీర్‌బాగ్ సమావేశంలో పోరాట సమితి ఛైర్మన్లు వెంకటేశ్వర్లు, బేల బాలకిషన్, గోపోజు రమేశ్, బత్తుల రాంప్రసాద్‌తో కలిసి చెన్నయ్య మాట్లాడారు. ఎస్సీ వర్గీకరణ విషయంలో ముఖ్యమంత్రి ఎనుముల రేవంత్ రెడ్డి అత్యుత్సాహం తగ్గించుకోవాలని పేర్కొన్నారు.
News October 11, 2024
HYDలో రేపు డబుల్ ధమాకా
హైదరాబాద్‌లో ఈ దసరాకు తగ్గేదే లేదు. విందుకు వినోదం జతకానుంది. రేపు దసరాతో పాటు ఉప్పల్ వేదికగా ఇండియా VS బంగ్లాదేశ్‌ T-20 మ్యాచ్ జరగనుంది. నగరం అంతటా ఇక సందడే సందడి. ఉదయం నుంచే ఆలయాలు, అమ్మవారి మండపాలు కిక్కిరిసిపోతాయి. మధ్యాహ్నం బలగం అంతా కలిసి విందులో పాల్గొంటారు. సాయంత్రం వరకు హైదరాబాద్ అంతటా దసరా వైభోగమే. దీనికితోడు రాత్రి మ్యాచ్ ఉండడంతో క్రికెట్ ప్రియులు డబుల్ ధమాకా అంటున్నారు.