News December 16, 2024
HYD: ఆ గ్రామాలకు వెళ్తే చలితో గజగజ వణుకుడే..!
HYD శివారు ఇబ్రహీంపట్నం పరిధి ఎలిమినేడు, VKB మోమిన్‌పేటకు వెళ్తే చలితో గజగజ వనకాల్సిందే. HYD, RR, మేడ్చల్, VKB జిల్లాల పరిధిలో ఆ రెండు గ్రామాల్లోనే 30 రోజులు అత్యల్ప ఉష్ణోగ్రత నమోదవుతోంది. ఇబ్రహీంపట్నం ఎలిమినేడు- 8.9, VKB మోమిన్‌పేట-8.2 డిగ్రీల కనిష్ఠ ఉష్ణోగ్రతలు శనివారం నమోదయ్యాయి. ఆ గ్రామాల్లో ప్రజలను చలి వణికిస్తోంది. సా.6 నుంచి తెల్లవారుజామున ఉ.9 వరకు బయటకు వచ్చే పరిస్థితి లేదంటున్నారు.
Similar News
News November 19, 2025
HYD: ఈనెల 19న పీజీ, పీహెచ్‌డీ ప్రవేశాలకు కౌన్సిలింగ్
ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయంలో 2025-26 విద్యా సంవత్సరానికి సంబంధించిన PG & PhD ప్రవేశాలకు 2వ విడత కౌన్సిలింగ్ ఈనెల 19న జరగనుంది. యూనివర్సిటీ ఆడిటోరియంలో మధ్యాహ్నం 3 గంటలకు నిర్వహించనున్నారు. ఆసక్తి, అర్హులైన అభ్యర్థులు హాజరు కావాలని, ఇందుకు సంబంధించిన పూర్తి సమాచారం కోసం విశ్వవిద్యాలయం వెబ్‌సైట్‌ను సంప్రదించాలన్నారు.
News November 18, 2025
శంషాబాద్ నుంచి సౌదీకి ప్రత్యేక విమానం
సౌదీ అరేబియాలో జరిగిన ప్రమాద ఘటన బాధితుల కోసం ప్రభుత్వం శంషాబాద్ నుంచి సౌదీకి ప్రత్యేక విమానాన్ని ఏర్పాటు చేశారు. ఈ ఘటనలో మృతి చెందిన వారిని గుర్తించి, అంతిమ సంస్కారాలు నిర్వహించేందుకు చర్యలు తీసుకుంటున్నారు. మృతుల రక్త సంబంధికులను ఈరోజు రాత్రి 8.30 గంటలకు నాంపల్లి హజ్ హౌస్ నుంచి సౌదీకి పంపనున్నారు.
News November 18, 2025
శంషాబాద్: గర్భంలోనే కవలలు మృతి.. భర్త ఆత్మహత్య
భార్య గర్భంలోని కవలలు మృతిచెందారనే దుఃఖంతో శంషాబాద్‌లోని సామ ఎన్‌క్లేవ్‌లో ఓ వ్యక్తి ఉరేసుకుని ఆతహత్య చేసుకున్నాడు. పోలీసుల ప్రకారం.. కర్ణాటకకు చెందిన ముత్యాల విజయ్ భార్య శ్రావ్య 8 నెలల గర్భిణీ. కవలల మరణ వార్త తెలిసి విజయ్ తీవ్ర మనస్తాపానికి గురై ఇంట్లో ఉరి వేసుకుని ఆత్మహత్యకు పాల్పడ్డాడు. శంషాబాద్ పోలీసులు కేసు నమోదు చేసి దర్యాప్తు చేస్తున్నారు.