News November 6, 2024
HYD: ఓటు హక్కు లేదా..? ఇది మీకోసమే..!
18 ఏళ్లు నిండి, ఇప్పటికీ ఓటు హక్కు లేని వారు వెంటనే ఓటు హక్కు కోసం దరఖాస్తు చేసుకోవాలని CEO సుదర్శన్ రెడ్డి సూచించారు. నవంబర్ 28 వరకు నూతన ఓటరు దరఖాస్తు, మార్పు చేర్పులకు అవకాశం ఉందన్నారు. జనవరి 6న SSR-2025 విడుదల చేస్తామన్నారు. తాజాగా హైదరాబాద్‌లో-1,81,875, రంగారెడ్డి-1,18,513, మేడ్చల్ మల్కాజిగిరి-99,696 మంది నూతన ఓటర్లు కొత్తగా నమోదయినట్లుగా పేర్కొన్నారు.
Similar News
News December 6, 2024
HYD: పుష్ప-2.. భార్యగా, తల్లిగా రేవతి GREAT
పుష్ప-2 ప్రీమియర్‌షోకు వెళ్లిన రేవతి కుటుంబంలో <<14796361>>విషాదం<<>> మిగిలిన విషయం తెలిసిందే. తనకు 2023లో కాలేయం ఇచ్చి పునర్జన్మనిచ్చిన భార్య లేదనే బాధ కలచివేస్తుందని ఆమె భర్త భాస్కర్ కంటతడిపెట్టిన ఘటన పలువురిని కదిపేసింది. కుమారుడు బన్నీకి వీరాభిమాని అని, ఫస్ట్ షో చూపించమని మారాం చేయడంతో సంధ్య థియేటర్‌కు వెళ్లామని వాపోయారు. క్రౌడ్‌లో కింద పడిపోయిన బాలుడిని పైకిలేపే క్రమంలో తల్లి తీవ్రంగా గాయపడిందని వాపోయారు.
News December 6, 2024
HYD: అన్నింటా ఆరితేరారు.. వీరితో జాగ్రత్త..!
HYDలో సైబర్ మోసాలు, వ్యభిచార కార్యకలాపాలు, నకిలీ యాప్స్, డ్రగ్స్ రవాణా వంటి అనేక కేసుల్లో విదేశీయులు ప్రధాన పాత్ర పోషిస్తున్నారు. గత మూడేళ్లలో డ్రగ్స్ సరఫరా కేసుల్లో దాదాపు 31 మంది ఉండటం గమనార్హం. ఇందులో 90% నైజీరియన్లే ఉన్నట్లు రిపోర్టులో తెలిపారు. నకిలీ కార్డులను తయారీలోనూ విదేశీయులు ఆరితేరారు. సింగపూర్, కంబోడియా, థాయిలాండ్, చైనా దేశాల కేంద్రంగా సైబర్ మోసాలూ జరుగుతున్నాయి.
News December 6, 2024
RR: విద్యార్థుల ఇంటికి హెడ్ మాస్టర్
విద్యాశాఖ అధికారుల చొరవతో స్కూల్ HMలు నేరుగా విద్యార్థుల ఇంటికొస్తున్నారు. వికారాబాద్ జిల్లా దోమ మం. MEO వెంకట్ సూచనతో దాదాపూర్ GOVT స్కూల్ HM కృష్ణయ్య, ఉపాధ్యాయులు వెంకటయ్య, యాదగిరి, రాజేశ్ గురువారం రాత్రి విద్యార్థుల ఇంటికెళ్లారు. పిల్లలు చదువుతున్నారా? లేదా? అని ఆరా తీశారు. హోంవర్క్‌ను పరిశీలించి, పేరెంట్స్ శ్రద్ధ చూపాలని కోరారు. ప్రభుత్వ పాఠశాలల HMలు ఇలా చొరవ తీసుకుంటే ఎలా ఉంటుంది? మీ కామెంట్?