News November 15, 2024
HYD: ఓపెన్ డిగ్రీ, PG చేయాలనుకునేవారికి నేడు లాస్ట్ ఛాన్స్!
డా.బీఆర్ అంబేడ్కర్ సార్వత్రిక విశ్వవిద్యాలయం డిగ్రీ, పీజీ కోర్సుల్లో చేరడానికి ఈ నెల 15 వరకు అవకాశం ఉందని విశ్వవిద్యాలయ అధికారులు తెలిపారు. వర్సిటీలో చేరిన ద్వితీయ, తృతీయ సంవత్సరం చదువుతున్న విద్యార్థులు ట్యూషన్ ఫీజు, అంతకు ముందు వర్సిటీలో చేరి ఫీజు చెల్లించలేకపోయిన విద్యార్థులు సైతం శుక్రవారం www.braou.ac.in ఆన్‌లైన్‌లో చెల్లించాలన్నారు. ఈ అవకాశాన్ని సద్వినియోగం చేసుకోవాలని సూచించారు.SHARE IT
Similar News
News December 8, 2024
HYD: ఈ రూట్లలో ట్రాఫిక్ ఆంక్షలు.. వెళ్లకండి!
హైదరాబాద్‌లోని హుస్సేన్ సాగర్ వద్ద నేడు IAF ఎయిర్ షో జరగనుంది. ఈ నేపథ్యంలో పోలీసులు ట్యాంక్ బండ్‌పై భారీ బందోబస్తును మోహరించారు. ఎక్కడికక్కడ బారీ కేడ్లు ఏర్పాటు చేశారు. నేడు మధ్యాహ్నం 2 గంటల నుంచి రాత్రి 9 గంటల వరకు ట్రాఫిక్ ఆంక్షలు అమలులో ఉంటాయని,వాహనాలను అనుమతించమని తెలిపారు. నెక్లెస్ రోడ్, తెలుగు తల్లి వంతెన,VV స్టాచ్యూ, రవీంద్ర భారతి, కవాడిగూడ జంక్షన్లో ట్రాఫిక్ డైవర్షన్ ఉంటుంది.
News December 8, 2024
HYD: మోసపూరిత హామీలతో కాంగ్రెస్ దగా చేసింది: నడ్డా
మోసపూరితపు హామీలిచ్చి రాష్ట్ర ప్రభుత్వం ప్రజలను దగా చేసిందని బీజేపీ నేషనల్ ప్రెసిడెంట్ జెపి నడ్డా మండిపడ్డారు. HYD సరూర్‌నగర్ స్టేడియంలో జరిగిన బహిరంగ సభలో ఆయన పాల్గొన్నారు. మహిళలు, యువత, రైతులు, వెనుకబడిన వారికి అబద్దపు హామీలిచ్చిందన్నారు. కాంగ్రెస్, బీజేపీ మధ్య భావాజాలంతో పాటు, ప్రజలకు సేవ చేయడంలోనూ తేడాలు ఉన్నాయన్నారు.
News December 8, 2024
HYD: GOOD NEWS.. ఆర్మీ రిక్రూట్మెంట్ ర్యాలీ
ఆర్మీలో చేరాలనుకున్న వారికి సికింద్రాబాద్‌లోని ఆర్మీ హెడ్ క్వార్టర్ అధికారులు శుభవార్త తెలిపారు. 2025 జనవరి 6 నుంచి మార్చి 9 వరకు ఆర్మీ రిక్రూట్మెంట్ ర్యాలీ జరగనుందని ప్రకటించారు. అగ్నివీర్ పోస్టుల కోసం ఈ ర్యాలీ జరగనుంది. స్పోర్ట్స్ మెన్ ఓపెన్ కోటా అభ్యర్థులు సికింద్రాబాద్ జోగేంద్ర సింగ్ స్టేడియంలో జనవరి 3వ తేదీన హాజరు కావాల్సి ఉంటుంది. మిగతా వివరాలకు www.joinindianarmy@nic.in సైట్ సంప్రదించండి.