News December 5, 2024
HYD: గాంధీ ఆస్పత్రికి రేవతి మృతదేహం తరలింపు
RTC X రోడ్‌లోని సంధ్య థియేటర్ వద్ద జరిగిన <<14793966>>తొక్కిసలాటలో రేవతి<<>> చనిపోవడం ఆ కుటుంబంలో విషాదం నింపింది. దిల్‌సుఖ్‌నగర్ వాసి రేవతి(39), భర్త భాస్కర్, పిల్లలు శ్రీతేజ్(9), సన్వీక(7)తో కలిసి అభిమాన హీరో మూవీ పుష్ప-2 చూసేందుకు వెళ్లారు. అయితే తొక్కిసలాటలో రేవతి చనిపోగా బాలుడు శ్రీతేజ్‌కు తీవ్ర గాయాలవడంతో బేగంపేట కిమ్స్‌కు తరలించారు. రేవతి మృతదేహాన్ని గాంధీ ఆస్పత్రిలో చూసి బంధువులు బోరున విలపించారు.
Similar News
News October 27, 2025
HYD: ఎన్నికల ఖర్చులు తనిఖీ చేయనున్న అధికారులు
జూబ్లీహిల్స్ ఉపఎన్నికలకు సంబంధించి అభ్యర్థులు తమ ఖర్చులు నమోదుచేసే రిజిస్టర్లను అధికారులు రేపు తనిఖీ చేయనున్నారు. పోటీలో ఉన్న 58 మంది అభ్యర్థులు తప్పని సరిగా చెక్ చేయించుకోవాలని ఎన్నికల పరిశీలకుడు సంజీవ్ కుమార్ లాల్ తెలిపారు. రేపటితోపాటు మరో 2 పర్యాయాలు (నవంబర్ 3, 9) రిజిస్టర్లను తనిఖీ చేస్తామని పేర్కొన్నారు.
News October 27, 2025
జూబ్లీ బైపోల్స్: కీలకం కానున్న సినీ కార్మికులు
జూబ్లీహిల్స్ ఉపఎన్నికలో సినీ కార్మికుల ఓట్లు కీలకం కానున్నాయి. షేక్‌పేట, బోరబండ, కృష్ణానగర్, యూసుఫ్‌గూడ, రహ్మత్‌నగర్, శ్రీనగర్‌కాలనీ, ఎర్రగడ్డ తదితర ప్రాంతాల్లో దాదాపు 24 వేల మంది సినీ కార్మికులున్నారు. దీంతో అభ్యర్థులు సినీ కార్మికులను ప్రసన్నం చేసుకునేందుకు తాపత్రయపడుతున్నారు. అందుకే సినీ ప్రముఖుల మద్దతు కూడగట్టేందుకు ప్రయత్నిస్తున్నారు. ఇప్పటికే సుమన్ కాంగ్రెస్ తరఫున ప్రచారం చేస్తున్నారు.
News October 27, 2025
జూబ్లీ బైపోల్: కమలానికి టీడీపీ, జనసేన సహకారం?
ప్రస్తుతం ఏపీలో టీడీపీ, బీజేపీ, జనసేన కూటమి ప్రభుత్వం నడుస్తోంది. దీంతో కూటమిలోని ప్రధాన పార్టీలు టీడీపీ, జనసేనలు జూబ్లీహిల్స్ బై పోల్‌లో కమలానికి మద్దతునిస్తున్నట్లు సమాచారం. ఆ 2 పార్టీల నాయకులు అంతర్గతంగా బీజేపీకి ఓటు వేయాలని ప్రచారం చేస్తున్నట్లు తెలుస్తోంది. ఇక్కడ కమలం విజయం సాధిస్తే తమ వల్లే విజయం సాధించిందని చెప్పుకునేందుకు అవకాశముంటుందని ఇరుపార్టీల అధినేతలు భావిస్తున్నట్లు తెలుస్తోంది.