News July 4, 2024
HYD: గురుకులాల్లో కామన్ టైమ్ టేబుల్: సీఎస్
రాష్ట్రంలోని ఐదు గురుకుల విద్యా సంస్థల్లో కామన్ టైమ్ టేబుల్ అమలు చేయాలని రాష్ట్ర ప్రభుత్వం నిర్ణయించింది. ఇప్పటి వరకు ఒక్కో సొసైటీలో ఒక్కో విధంగా బోధన కార్యక్రమాలు అమలవుతున్నాయి. ఎస్సీ, ఎస్టీ గురుకుల సొసైటీలో అయితే డేస్కాలర్ స్కూల్ తరహాలో టైమ్ టేబుల్ అమలు చేస్తున్నారు. అన్ని గురుకుల పాఠశాలల్లో ఒకే విధానం అమలు చేయాలని సీఎస్ శాంతికుమారి బుధవారం HYDలో ఉత్తర్వులు జారీ చేశారు.
Similar News
News November 30, 2025
HYD: బీజేపీ జిల్లాల ఇన్‌ఛార్జ్‌ల నియామకం
బీజేపీ జిల్లాల ఇన్‌ఛార్జ్‌లను నియమించినట్లు బీజేపీ రాష్ట్ర ప్రధాన కార్యదర్శి గౌతమ్ రావు వెల్లడించారు. గోల్కొండ- గోషామహల్ జిల్లా అధ్యక్షుడిగా యతిపతి శ్రీధర్, భాగ్యనగర్-మలక్ పేటకు జెనంగా రెడ్డి, మహంకాళి-సికింద్రాబాద్‌కు నందనం దివాకర్, హైదరాబాద్ సెంట్రల్‌కు వీరెల్లి చంద్రశేఖర్ పేర్లను ఖరారు చేశారు. రాష్ట్ర అధ్యక్షుడు రామచందర్రావు ఆదేశాల మేరకు నియామకాలు చేపట్టినట్లు తెలిపారు.
News November 30, 2025
HYD: RRRకు 6-లేన్ల నిర్మాణానికి టెండర్లు
రీజినల్ రింగ్ రోడ్ (RRR-నార్త్) 6-లేన్ల నిర్మాణానికి సంబంధించి నేషనల్ హైవేస్ అథారిటీ ఆఫ్ ఇండియా (NHAI) టెండర్లను ఆహ్వానించింది. రూ.8,532 కోట్ల విలువైన ఈ ప్రాజెక్టును హైబ్రిడ్ యాన్యుటీ మోడల్‌లో 6 ప్యాకేజీలుగా చేపట్టనున్నారు. జనవరి 16, 2026 నాటికి టెండర్లను ఖరారు చేయాలని లక్ష్యంగా పెట్టుకున్నారు. ప్రాజెక్టుకు 98% భూసేకరణ పూర్తయింది. ఈ తాజా చర్య RRR నిర్మాణంలో కీలక ముందడుగుగా పరిగణించబడుతోంది.
News November 30, 2025
HYD: మీ ఇంటి గోడపై మార్క్ ఉందా? GHMC తాజా రూల్!
గ్రేటర్ హైదరాబాద్ మున్సిపల్ కార్పొరేషన్ (GHMC) అధికారిక చెత్త సేకరణ సేవలను వినియోగించే ఇళ్ళు/అపార్ట్‌మెంట్‌లను గుర్తించడానికి వాటి గోడలపై ప్రత్యేక గుర్తులు వేసింది. ఈ అధికారిక కలెక్టర్ల ద్వారా తమ చెత్తను పారవేయని వారికి జరిమానాలు విధించబడతాయి. ట్రాకింగ్ విధానం పూర్తిగా స్పష్టంగా లేనప్పటికీ, పారిశుద్ధ్యాన్ని మెరుగుపరచడానికి GHMC తీసుకున్న ఈ నిర్ణయం మంచి ముందడుగుగా పరిగణించబడుతోంది.