News November 11, 2024
HYD: దేవాలయాల పరిరక్షణకు సీసీ కెమెరాలు
దేవాలయాల పరిరక్షణకు నిర్వాహకులు సీసీ కెమెరాలను ఏర్పాటు చేసుకోవాలని సౌత్ ఈస్ట్ జోన్ డీసీపీ పాటిల్ కాంతిలాల్ అన్నారు. దేవాలయాల వద్ద ఇటీవల జరుగుతున్న ఘటనల నేపథ్యంలో సభ్యులతో సమావేశం నిర్వహించారు. దేవాలయాల పరిరక్షణకు నిర్వాహకులు చర్యలు తీసుకోవాలన్నారు. సౌత్ ఈస్ట్ జోన్ అడిషనల్ డీసీపీ స్వామి, చాంద్రాయణగుట్ట ఏసీపీ మనోజ్ కుమార్, సంతోష్ నగర్ ఏసీపి మహమ్మద్ గౌస్, ఐఎస్ సదన్ ఇన్‌స్పెక్టర్ నాగరాజులు ఉన్నారు.
Similar News
News December 6, 2024
హైదరాబాద్ జిల్లా వైద్య ఆరోగ్య శాఖలో ఉద్యోగాలు
హైదరాబాద్ జిల్లా పరిధిలోని బస్తీ దవాఖానలో కాంట్రాక్టు పద్ధతిలో పనిచేసేందుకు MBBS పూర్తి చేసిన, అర్హత కల్గిన వారు walk in interviewకు హాజరు కావాలని DMHO డా వెంకటి ఓ ప్రకటనలో తెలిపారు. సికింద్రాబాద్ ప్యాట్ని సెంటర్ GHMC భవనంలోని 4వ అంతస్తులో ఉన్న DMHO కార్యాలయంలో ఈ నెల 9న ఉదయం 10:30 నుంచి మధ్యాహ్నం 1 గంట వరకు ఇంటర్వ్యూ కు హాజరు కావాలని వెల్లడించారు. ఈ సదవకాశాన్ని నిరుద్యోగులు ఉపయోగించుకోవాలన్నారు.
News December 6, 2024
HYD: ‘లంచం ఇవ్వకండి.. సమాచారం ఇవ్వండి’
HYD, RR, MDCL,VKB జిల్లాలలో పలువురు అధికారులు లంచాలు తీసుకుంటూ ఏసీబీకి ఇటీవలే పట్టుబడ్డారు. ఈ నేపథ్యంలో అవినీతిని నిర్మూలించేందుకు అధికారులు మరో ముందడుగు వేసి ప్రజాపాలన ఉత్సవాల్లో భాగంగా సంగారెడ్డి, మెదక్, రంగారెడ్డిలో అవగాహన కల్పిస్తున్నారు. ACB పోస్టర్ ఆవిష్కరించిన అధికారులు, ‘లంచం ఇవ్వకండి.. సమాచారం ఇవ్వండి’ అని పిలుపునిచ్చారు. ఎవరైనా లంచం అడిగితే 1064కు కాల్ చేయాలన్నారు.
News December 6, 2024
HYD: ఇంటింటికి కుష్టు వ్యాధి గుర్తింపు సర్వే
ప్రభుత్వ ఆదేశాల మేరకు ఈ నెల 2నుంచి 15 వరకు 14 రోజుల పాటు ఇంటింటికి కుష్టు వ్యాధి గుర్తింపు సర్వే నిర్వహిస్తున్నట్లు గాంధీ UPHC IDH కాలనీ వైద్యాధికారి డా.ప్రశాంతి తెలిపారు. ఆశా కార్యకర్తలు, వైద్య సిబ్బందితో ఆమె సమావేశం నిర్వహించారు. 2027 కల్లా కుష్టురహిత భారతదేశ లక్ష్యంగా ప్రతి ఒక్కరు పని చేయాలని కోరారు. అనుమానిత మచ్చలు ఉంటే వైద్య సిబ్బందిని కలవాలన్నారు. వనిత, జ్యోతి, ఆశా కార్యకర్తలు పాల్గొన్నారు.