News July 3, 2024
HYD: ‘దోస్త్’ కౌన్సెలింగ్ రిజిస్ట్రేషన్.. గడువు పొడిగింపు
డిగ్రీలో ప్రవేశాల కోసం నిర్వహిస్తున్న మూడో దశ దోస్త్ కౌన్సెలింగ్‌కు నామమాత్రపు స్పందన కనిపిస్తోంది. దీంతో ఈ విడత కౌన్సెలింగ్‌కు రిజిస్ట్రేషన్ గడువు ఈనెల 4వ తేదీ వరకూ పొడిగించారు. వాస్తవానికి ఇది మంగళవారంతో ముగిసింది. ఇప్పటి వరకు 56,910 మంది మాత్రమే రిజిస్ట్రేషన్ చేసుకున్నారు. మూడో దశ సీట్ల కేటాయింపు మాత్రం ముందుగా ప్రకటించామని, ఈనెల 6వ తేదీన చేపట్టబోతున్నట్లు ప్రొ.ఆర్.లింబాద్రి తెలిపారు.
Similar News
News November 23, 2025
HYD: 25న బల్దియా సర్వసభ్య సమావేశం
మరో రెండున్నర నెలల్లో జీహెచ్ఎంసీ పాలకమండలి ముగిసిపోయింది. ఈ నేపథ్యంలో ఈ నెల 25న సర్వసభ్య సమావేశాన్ని నిర్వహించనున్నారు. రాబోయే ఆర్థిక సంవత్సరానికి సంబంధించిన బడ్జెట్ ఆమోదానికి మాత్రం ప్రత్యేక సమావేశం జరగనుంది. ఈ నేపథ్యంలో చివరి సమావేశం కావడంతో ప్రధాన ప్రతిపక్షమైన BRSకు, కాంగ్రెస్‌కు మధ్య మాటల యుద్ధం తప్పకపోవచ్చని సమాచారం.
News November 23, 2025
DANGER: HYDలో వాటర్ హీటర్ వాడుతున్నారా?
వాటర్ హీటర్ ప్రమాదాలు నగరంలో కలవరపెడుతున్నాయి. పోలీసుల వివారలిలా.. మియాపూర్‌ దావులూరి హోమ్స్‌లో హౌస్‌కీపింగ్ ఉద్యోగిని శివలీల (32) శనివారం వాటర్ హీటర్ షాక్ తగిలి తీవ్రంగా గాయపడి మృతిచెందింది. పోలీసులు కేసు నమోదు చేసి దర్యాప్తు చేస్తున్నారు. పాత హీటర్లతో ప్రమాదాలు జరుగుతున్నాయని, నాణ్యమైనవి కొనాలని, చేతులు తుడుచుకుని, చెప్పులు ధరించి స్విచ్ఆఫ్ చేశాకే ప్లగ్ పట్టుకోవాలని నిపుణులు సూచిస్తున్నారు.
News November 23, 2025
HYD: నగరవాసులకు జలమండలి విజ్ఞప్తి
గుర్తు తెలియని మొబైల్ నంబర్ల నుంచి వచ్చే మెసేజ్‌లకు స్పందించవద్దని జలమండలి అధికారులు సూచించారు. నల్లా బిల్లు చెల్లించకుంటే కనెక్షన్ తొలగిస్తామని కొందరు వినియోగదారులను SMS ద్వారా బెదిరిస్తున్నట్లు తమ దృష్టికి వచ్చిందన్నారు. అలాంటి మెసేజ్‌లకు స్పందించకూడదని విజ్ఞప్తి చేశారు. ఇలాంటి సందేశాల్లో వచ్చే APK డౌన్లోడ్ చేయొద్దన్నారు. ఏవైనా సందేహాలు ఉంటే కస్టమర్ కేర్ నం. 155313ని సంప్రదించాలని కోరారు.