News April 9, 2025
HYD: నల్లాకు మోటర్‌ బిగిస్తే రూ.5 వేల జరిమానా!
నల్లాల నుంచి మోటార్ల ద్వారా నీటిని తోడితే కఠిన చర్యలు తీసుకుంటామని జలమండలి MD అశోక్ రెడ్డి హెచ్చరించారు. బుధవారం ఖైరతాబాద్‌లోని జలమండలి ప్రధాన కార్యాలయంలో సమీక్ష నిర్వహించారు. HMWSSB ఎన్నో వ్యయ ప్రయాసల కోర్చి సుదూర ప్రాంతాల నుంచి నీటిని శుద్ధి చేసి సరఫరా చేస్తోందని, వృథా చేయకుండా వాటిని తాగునీటి అవసరాలకు మాత్రమే వినియోగించాలని కోరారు. నల్లాకు మోటర్‌ బిగిస్తే రూ.5 వేల జరిమానా విధిస్తామన్నారు.
Similar News
News November 29, 2025
నెల్లూరు: పద్ధతి మార్చుకోమన్నందుకు హత్య చేశారు.!
నెల్లూరు రూరల్ లిమిట్స్ కల్లూరుపల్లి RDT కాలనీకి చెందిన పెంచలయ్య <<18415490>>హత్య<<>> వెనుక అదే ప్రాంతానికి చెందిన కామాక్షి హస్తం ఉన్నట్లు రూరల్ DSP ఘట్టమనేని శ్రీనివాసరావు తెలిపారు. కామాక్షి నేర చరిత్ర కలిగిన వారికి ఆశ్రయం ఇవ్వడం, దొంగలతో అసాంఘిక కార్యక్రమాలు చేయించడాన్ని గుర్తించిన పెంచలయ్య పద్ధతి మార్చుకోవాలని హితవు పలికాడు. ఇది నచ్చని ఆమె హత్య చేయించినట్లు ఆయన పేర్కొన్నారు.
News November 29, 2025
అన్న క్యాంటీన్లకు కమిటీలు
AP: అన్న క్యాంటీన్లలో ఆహార నాణ్యత, పరిసరాల శుభ్రతపై ప్రభుత్వం దృష్టిసారించింది. రాష్ట్ర స్థాయి సలహా సంఘంతో పాటు క్యాంటీన్ల వారీగా సలహా కమిటీలను నియమించింది. ఈ కమిటీ ఛైర్మన్‌గా మున్సిపాలిటీ కార్పొరేటర్/ కౌన్సిలర్, సభ్యులుగా వార్డు శానిటేషన్ సెక్రటరీ, వార్డు ఉమెన్ అండ్ వీకర్స్ సెక్షన్స్ ప్రొటెక్షన్ సెక్రటరీ తదితరులు వ్యవహరించనున్నారు. వారంలో 2 రోజుల పాటు ఈ కమిటీ అన్న క్యాంటీన్లను తనిఖీ చేస్తుంది.
News November 29, 2025
ఏలూరు: కేంద్ర ఆర్థిక మంత్రితో గన్ని భేటీ
15 బ్యాంకుల, బీమా సంస్థల శంకుస్థాపన నిమిత్తం కేంద్ర ఆర్థిక శాఖ మంత్రి నిర్మలా సీతారామన్ అమరావతి వచ్చిన సంగతి తెలిసిందే. ఈ సందర్భంగా ఆమెను అప్కాబ్ ఛైర్మన్ గన్ని వీరాంజనేయులు మర్యాదపూర్వకంగా కలిశారు. సహకార సంఘాలకు సంబంధించిన పలు సమస్యలను ఆమె దృష్టికి తీసుకెళ్లారు. సమస్యలపై మంత్రి సానుకూలంగా స్పందించారని ఆయన తెలిపారు.