News February 19, 2025
HYD: బీఆర్ఎస్ విస్తృత స్థాయి సమావేశం ప్రారంభం
తెలంగాణ భవన్‌లో బీఆర్ఎస్ విస్తృతస్థాయి సమావేశం ప్రారంభమైంది. ఈ సమావేశానికి మాజీ సీఎం, బీఆర్ఎస్ అధినేత కేసిఆర్ హాజరయ్యారు. ఈ సందర్భంగా ఆయన కార్యకర్తలకు దిశానిర్దేశం చేయనున్నారు. విస్తృత స్థాయి సమావేశంలో ఎమ్మెల్యేలు, మాజీ ఎమ్మెల్యేలు, బీఆర్ఎస్ ముఖ్య నాయకులు పాల్గొన్నారు.
Similar News
News November 29, 2025
సిద్ధిపేట: పత్తి కొనుగోలుపై పరిమితి పెంచిన సీసీఐ
పత్తి రైతులకు సీసీఐ గుడ్ న్యూస్ చెప్పింది. సీసీఐలో గతేడాది 12 క్వింటాళ్ల పత్తి కొనుగోలు చేసిన సీసీఐ ఈ ఏడాది 7 క్వింటాళ్లకు కుదించారు. కొత్తగా తీసుకొచ్చిన కపాస్‌ కిసాన్‌ యాప్‌ ద్వారా స్లాట్‌ బుకింగ్‌ విధానంలో ఎకరాకు 7 క్వింటాళ్ల పత్తి కొనుగోలు చేసేలా ఏర్పాట్లు చేశారు. దీంతో పత్తిని ఎలా అమ్ముకోవాలో రైతులు ఆందోళన చెందారు. ఏఈవో ధ్రువీకరిస్తే ఎకరాకు12 క్వింటాళ్ల వరకు సీసీఐ అంగీకారం తెలిపింది.
News November 29, 2025
‘కుర్చీ’లాట పక్కన పెట్టి పాలనపై దృష్టి పెడతారా?
మా మధ్య ఎలాంటి విభేదాలు లేవు.. అధిష్ఠానం నిర్ణయానికి కట్టుబడి ఉంటాం.. ఇవీ కర్ణాటక సీఎం సిద్దరామయ్య, Dy.CM డీకే శివకుమార్ తాజా కామెంట్స్. సీఎం కుర్చీ సమరం వేళ ఇద్దరు నేతలు మరోసారి పాత పాటే పాడారు. అయితే ఇప్పటికైనా కుర్చీలాట పక్కనపెట్టి పాలనపై దృష్టి సారిస్తారా? అని కాంగ్రెస్ క్యాడర్ చర్చించుకుంటోంది. అటు ఈ వివాదానికి పుల్‌స్టాప్ పెట్టాల్సిన హైకమాండ్ చోద్యం చూస్తోందనే విమర్శలు వినిపిస్తున్నాయి.
News November 29, 2025
వేములవాడ: భక్తుల రద్దీ, సౌకర్యాలపై ఈవో ఆరా
వేములవాడ శ్రీ రాజరాజేశ్వర స్వామి దేవస్థానం అనుబంధ ఆలయమైన శ్రీ భీమేశ్వర స్వామి ఆలయంలో భక్తుల రద్దీ దృష్ట్యా సౌకర్యాలపై ఆలయ ఈవో రమాదేవి ఆరా తీశారు. ఈ సందర్భంగా ఆలయంలో ప్రారంభించిన సేవా టికెట్లు, క్యూలైన్లు, భక్తుల కోసం ఏర్పాటు చేసిన పలు సౌకర్యాలను పరిశీలిస్తూ, భక్తులకు ఎలాంటి ఇబ్బందులు కలగకుండా చూడాలని ఆలయ సిబ్బందికి ఆమె పలు సూచనలు చేశారు. ఆలయ ఇన్స్పెక్టర్ ఎడ్ల శివసాయి, ఎస్పీఎఫ్ సిబ్బంది ఉన్నారు.