News June 6, 2024
HYD: భర్తను బెదిరించేందుకు ఆత్మహత్యాయత్నం
భర్తను బెదిరించేందుకు ఓ మహిళ పురుగుమందు తాగి ఆత్మహత్యాయత్నానికి పాల్పడింది. రాజేంద్రనగర్ PS పరిధి కిస్మత్పూర్లో సామెల్, గోవిందమ్మ నివాసం ఉంటున్నారు. సామెల్ మరో స్త్రీతో కనిపించినట్లు గోవిందమ్మతో ఓ మహిళ చెప్పింది. దీంతో గోవిందమ్మ ఆత్మహత్యాయత్నం చేయగా సామెల్ ఆసుపత్రికి తరలించాడు. కాగా సామెల్ గోవిందమ్మతో మాట్లాడిన మహిళపై దాడి చేశాడు. దీంతో ఆమె పోలీసులకు ఫిర్యాదు చేయగా కేసు నమోదైంది.
Similar News
News December 15, 2025
HYDలో సీక్రెట్గా ‘హుష్-డేటింగ్’
HYDలో ప్రస్తుతం ‘హుష్-డేటింగ్’ అనే కొత్త సీక్రెట్ ట్రెండ్ మామూలుగా లేదు. పేరెంట్స్ నిఘా, ఒత్తిడి ఎక్కువైపోవడంతో ఇక్కడి యువతీ యువకులు ఆన్లైన్ డేటింగ్ కోసం గోప్యంగా ప్రొఫైల్స్ మెయింటైన్ చేస్తున్నారు. ఇంట్లో వాళ్లకు తెలియకుండా గ్రూప్ చాట్స్లో మాత్రమే గుసగుసలాడుకుంటున్నారు. వీళ్లు కలిసే చోట్ల కూడా ఒక లెక్క ఉంది. గచ్చిబౌలి, మాదాపూర్ పబ్లిక్ కాఫీ షాప్ల వంటి దూరం ప్రదేశాలను ఎంచుకుంటున్నారు.
News December 15, 2025
HYD: ఇందిరా గాంధీలో మరో కోణం ఈ బుక్
ఇందిరా గాంధీని రాజకీయ నాయకురాలిగా మాత్రమే కాక, ప్రకృతితో ఆత్మీయ బంధం కలిగిన వ్యక్తిత్వంగా ఆవిష్కరించిన నవల ‘ఇందిరా గాంధీ: ఒక ప్రకృతి ప్రేమికురాలి జీవితం’. అధికార శిఖరంపై ఉన్నప్పటికీ పర్యావరణ పరిరక్షణ, వన్యప్రాణి సంరక్షణకు ఆమె ఇచ్చిన ప్రాధాన్యతను రచయిత సజీవంగా చిత్రించారు. రాజకీయ జీవితం- ప్రకృతి ప్రేమ మధ్య సమతౌల్యాన్ని చూపిన ఈ నవల జీవన విలువలను గుర్తుచేసే గొప్ప రచనగా నిలుస్తుంది.
News December 15, 2025
HYD: అనుమతులు మేమిస్తాం.. కాదు మేమిస్తాం
GHMCలో ORR లోపలి ప్రాంతాలు విలీనం అనంతరం అనుమతుల లొల్లి ప్రారంభమైంది. GHMC, HMDA సంస్థలు అనుమతులు మేమిస్తామంటే.. మేమిస్తామని సర్కారుకు ప్రతిపాదనలు పంపుతున్నారు. ఇంతవరకు హైరైజ్ అపార్టుమెంట్లు, కొత్త లే అవుట్ల అనుమతులన్నీ HMDA ఇచ్చేది. ఇపుడు ఆయా ప్రాంతాలన్నీ గ్రేటర్లో విలీనం కావడంతో పర్మిషన్స్ ఎవరిస్తారనే విషయం చర్చనీయాంశమైంది. విలీనంతో హెచ్ఎండీఏ ఆదాయం భారీగా కోల్పోనుంది.