News August 23, 2024
HYD: మంత్రి కోమటిరెడ్డిని కలిసిన మందకృష్ణ మాదిగ
ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ మంత్రి కోమటిరెడ్డి వెంకట్ రెడ్డిని HYD బంజారాహిల్స్లోని మంత్రుల నివాస సముదాయంలో కలిశారు. ఈ రోజు ఉదయం రాష్ట్ర వైద్యఆరోగ్యశాఖ మంత్రి దామోదర రాజనర్సింహతో పాటు మంత్రిని కలిసిన మందకృష్ణ.. ఎస్సీ వర్గీకరణపై సుప్రీంకోర్టు తీర్పును అమలు చేయాలని విజ్ఞప్తి చేశారు. మోత్కుపల్లి, MLAలు అడ్లూరి లక్ష్మణ్, వేముల వీరేశం, కవ్వంపల్లి సత్యనారాయణ, కాలె యాదయ్య ఉన్నారు.
Similar News
News September 10, 2024
HYD: మరణంలోనూ వీడని స్నేహం
షాద్నగర్ సమీపంలోని ఎలికట్ట శివారులో రోడ్డు ప్రమాదం చోటుచేసుకున్న విషయం తెలిసిందే. పోలీసుల వివరాలు.. కొందర్గు మండలానికి చెందిన కరుణాకర్, శేఖర్ ప్రాణ స్నేహితులు. వీరు ఎక్కడికి వెళ్లినా కలిసి వెళ్లేవారు. ఆదివారం రాత్రి విధులు ముగించుకుని ఇంటికి వెళ్లేందుకు షాద్నగర్లో కలుసుకున్నారు. మద్యం సేవించి బైక్పై ఇంటికి బయల్దేరారు. మార్గమధ్యలో ఆగి ఉన్న లారీని ఢీకొట్టడంతో ఇద్దరు మృతి చెందారు.
News September 10, 2024
HYD: విజేతలను అభినందించిన సీఎం రేవంత్
హైదరాబాద్ గచ్చిబౌలి స్టేడియంలో ఇంటర్ కాంటినెంటల్ కప్ (4వ ఎడిషన్) 2024 విజేతలను ముఖ్యమంత్రి రేవంత్ రెడ్డి అభినందించారు. ఇంటర్ కాంటినెంటల్ కప్ 2024 విజేతగా సిరియా నిలిచింది. విన్నింగ్ టీమ్కు ఇంటర్ కాంటినెంటల్ కప్-2024ను సీఎం అందజేశారు. ఈ నెల 3న ఫుట్ బాల్ టోర్నమెంట్ను సీఎం రేవంత్ ప్రారంభించిన విషయం తెలిసిందే.
News September 10, 2024
హైదరాబాద్లో మొదలైన సందడి
HYDలో వినాయక నిమజ్జనాల సందడి మొదలైంది. 3 రోజుల పాటు పూజలు అందుకున్న చిట్టి గణనాథులు ట్యాంక్బండ్కు చేరుకుంటున్నాయి. సోమవారం సా. నుంచే వందల సంఖ్యలో విగ్రహాలను నిమజ్జనం చేశారు. ఖైరతాబాద్ బడా గణేశుడి దర్శనం కోసం భక్తులు క్యూ కట్టారు. ఈ నెల 11, 13, 15, 17న ఇసుకేస్తే రాలనంత మంది భక్తులు ట్యాంక్బండ్కు వస్తారు. ‘జై బోలో గణేశ్ మహారాజ్కి జై’ నినాదాలతో HYD హోరెత్తనుంది.