News January 12, 2025
HYD: మాజీ ఎంపీ మృతి పట్ల మంత్రి పొన్నం సంతాపం
నాగర్ కర్నూల్ మాజీ ఎంపీ మందా జగన్నాథం మృతి పట్ల HYD ఇన్‌ఛార్జ్ మంత్రి పొన్నం ప్రభాకర్ దిగ్ర్భాంతి వ్యక్తం చేశారు. 15వ లోక్ సభలో ఆయనతో పాటు మందా జగన్నాథం పార్లమెంట్ సభ్యుడిగా ఉన్నారని, ఉద్యమ సమయంలో తనతో కలిసి పని చేశారని, గతంలో తెలంగాణ ఉద్యమ సమయంలో ప్రణబ్ ముఖర్జీ ఆగ్రహానికి గురై గుండెపోటుతో ఇబ్బందిపడ్డా ఉద్యమాన్ని ఆపలేదని గుర్తుచేసుకున్నారు.
Similar News
News January 13, 2025
మదాపూర్: శిల్పారామంలో మైమరిపించిన నృత్యం
సంక్రాంతి పండుగ సందర్భంగా మాదాపూర్ శిల్పారామంలో ఉత్సవాలు సందడిగా జరుగుతున్నాయి. ఆదివారం ఆంపి థియేటర్‌లో సాంస్కృతిక కార్యక్రమాలు జరిగాయి. కందుల కూచిపూడి నాట్యాలయ గురువు రవి కూచిపూడి శిష్యబృందం ప్రదర్శించిన నృత్యం ఆకట్టుకుంది. కళాకారులు అశ్విక, ప్రియాంక సిరి, ఐశ్వర్య, చైత్ర, సురభి, ఆద్య, కీర్తి, ఇసాన్వి, శ్రావ్య, అరుణ, నిధి, శాన్వి, రిగిష్మ తదితరులు సంగీతాన్ని అనుగుణంగా వేసిన నృత్యం మైమరిపించింది.
News January 13, 2025
HYD: ఉద్యోగులు 2వ, 4వ సండే సమస్యలు చెప్పొచ్చు
ఉద్యోగుల సర్వీస్ అంశాల్లో ఎదురవుతున్న సమస్యలకు సత్వర పరిష్కారాన్ని చూపేందుకు ఆన్లైన్ విధానానికి శ్రీకారం చుట్టినట్టు ఆ శాఖ అధికారులు ఆదివారం తెలిపారు. ఈనెల 24న తొలి సమావేశానికి మంత్రి సీతక్క హాజరు కానున్నట్టు అధికారులు వెల్లడించారు. ఉద్యోగుల సమస్యలు, సర్వీస్ అంశాల పరిష్కారానికి ప్రతి నెల రెండో, నాలుగో ఆదివారాల్లో మధ్యాహ్నం 3గం.- 4గం. వరకు ఉద్యోగుల సమస్యలపై ఆన్లైన్ సమావేశం ఉండనుంది.
News January 13, 2025
HYD: మొగిలిగిద్దకు సీఎం రాక
HYD శివారు షాద్‌నగర్‌లోని ఫరూఖ్‌నగర్ మండలంలో మొగిలిగిద్ద గ్రామ ప్రభుత్వ పాఠశాలను సీఎం రేవంత్ రెడ్డి సందర్శించనున్నారని ప్రొఫెసర్ హరగోపాల్ తెలిపారు. సీఎం రేవంత్ రెడ్డిని గ్రామానికి చెందిన ప్రొఫెసర్ గ్రామస్థులు మర్యాదపూర్వకంగా కలిశారు. మొగిలిగిద్దలో పాఠశాలను ప్రారంభించి 150 ఏళ్లు పూర్తైన సందర్భంగా ఉత్సవాలను ప్రారంభించడానికి రావాలని సీఎంను ఆహ్వానించారు.