News December 1, 2024
HYD: మాలలు ఐక్యతను చటాలి: ఎమ్మెల్యే వివేక్
మాల, మాధిగలను వేరు చెయ్యాలని చూస్తున్నారని, మాలలు ఐక్యంగా పోరాడి ఎస్సీ వర్గీకరణను వ్యతిరేకించాలని చెన్నూరు ఎమ్మెల్యే వివేక్ వెంకటస్వామి అన్నారు. సికింద్రాబాద్ పరేడ్గ్రౌండ్లో జరిగిన మాలల సింహగర్జన సభకు ఆ సామాజిక వర్గానికి చెందిన పలువురు ముఖ్యనేతలు హాజరయ్యారు. మాలల ఐక్యత చాటేలా నేతలంతా ఒకే వేదికపైకి వచ్చి నినదించారు. రాష్ట్ర నలుమూలల నుంచి మాలలు భారీగా తరలివచ్చారు.
Similar News
News February 8, 2026
JNTUHలో ‘బంగారు’తల్లి ఈమే!
జేఎన్టీయూ ఇంజినీరింగ్ కళాశాలలో బీటెక్ CSE విభాగంలో అల్లంరాజు శ్రీవల్లి ఉత్తమ ప్రతిభ కనబరిచింది. యూనివర్సిటీ నుంచి 4 గోల్డ్ మెడల్స్ సాధించి ఈ విద్యా సంవత్సరంలో ప్రత్యేక గుర్తింపు సాధించింది. క్యాంపస్ ప్లేస్మెంట్లో సైతం ప్రముఖ ఐటీ సంస్థలో ఉద్యోగం సైతం సాధించింది. తన తల్లిదండ్రులు తనపై పెట్టుకున్న నమ్మకాన్ని వొమ్ము చేయకుండా, వారి కలలు సాకారం చేశానని తెలిపింది.
News February 8, 2026
హలీమ్ HYD ఎలా వచ్చిందంటే?
రంజాన్ మహినా షురూ అయిందంటే HYD షెహర్లో హలీం పరిమళాలు, దాని రుచితో మత్తెక్కిపోతుంది. పట్నంలో పొద్దుపోయినాక బట్టీల వద్ద హలీం లవర్స్ సందడి కనిపిస్తుంది. అయితే హలీమ్ అరబ్బుల వంటకం. నిజాం సైన్యంలో చేరిన అరబ్ సైనికులు, ఇక్కడ స్థిరపడిన పర్షియన్ల ద్వారా HYDకు పరిచయమైంది. 90 ఏళ్ల క్రితం పత్తర్గట్టిలోని మదీనా హోటల్ దీని రుచిని పట్నానికి పరిచయం చేసింది. ప్రజలు మెచ్చిన వంటకంగా 2010లో GI గుర్తింపు పొందింది.
News February 8, 2026
మున్సి‘పోల్స్’ స్పెషల్: ఇంటికి కేజీ మటన్, చికెన్, రైస్
మున్సిపల్ ఛైర్మన్ పీఠాలను ఆశిస్తున్న ఆశావహులు ఓటర్లను మచ్చిక చేసుకునేందుకు రకరకాల హామీలు ఇస్తున్నారు. రోజూ వాళ్లడిగిన మద్యం బ్రాండ్, యాట మాంసం సరఫరా చేస్తున్నారు. ఎన్నికల ప్రచారం మరో 2 రోజులే ఉండటం, నేడు ఆదివారం కావడంతో అభ్యర్థులు ఓటర్లకు ఇంటికీ కిలో మటన్, చికెన్ సహా ఓటర్ల సంఖ్యను బట్టీ బాస్మతి రైస్, మద్యం బాటిళ్లు పంపుతున్నారని టాక్. ఇంతకీ మీ ఇంటికి మాంసం కవర్ అందిందా? ఒట్టి మాటేనా?