News November 16, 2024
HYD: మీ పట్టుదలకు సలాం..! లక్ష్యంపై కసి అంటే ఇదే!
అన్ని బాగున్నా.. ఏదో ఒక సాకు చెప్పి తప్పించుకునే ప్రస్తుత రోజుల్లో సికింద్రాబాద్ రైల్వే స్పోర్ట్స్ కాంప్లెక్స్ వద్ద జరిగిన క్రీడా పోటీల్లో ఏకంగా దివ్యాంగులు బాస్కెట్ బాల్ క్రీడలో సత్తా చాటి వారెవ్వా అనిపించారు. క్రీడాకారుల పట్టుదలను చూసిన ప్రజలు సలాం కొట్టారు. ఇది కదా.. అసలైన పోటీ అంటే, అనుకున్న కల కోసం కాళ్లు లేకున్నా కడదాకా పోరాడుతామని రుజువు చేశారని వారిని అభినందించారు.
Similar News
News December 9, 2024
గాంధీభవన్‌లో మెగా రక్తదాన శిబిరం
గాంధీ భవన్‌లో సోనియాగాంధీ 79వ జన్మదిన వేడుకలు ఘనంగా నిర్వహించారు. వేడుకల్లో భాగంగా టీపీసీసీ ఆధ్వర్యంలో ఏర్పాటు చేసిన మెగా రక్త దాన శిబిరాన్ని ఏఐసీసీ ఇన్‌ఛార్జ్ దీపాదాస్ ముంన్షి, ఉప ముఖ్యమంత్రి భట్టి విక్రమార్క, టీపీసీసీ అధ్యక్షుడు మహేశ్ కుమార్ గౌడ్ ప్రారంభించారు. కార్యక్రమంలో మంత్రి పొన్నం ప్రభాకర్, డీసీసీ అధ్యక్షుడు రోహిన్ రెడ్డి తదితరులు పాల్గొన్నారు.
News December 9, 2024
WOW.. HYD: ముస్తాబు అదిరిందిగా..!
సాధారణంగా బైక్ ప్రియులు తమ వాహనాలను తమకు నచ్చిన విధంగా డిజైన్ చేయించుకుంటారు. కొందరు హీరోల బొమ్మలను, దేవుళ్లను స్టికర్లుగా వేయించుకుంటే కొందరు భిన్నంగా తమ బండ్లను WOW అనిపించేలా తీర్చిదిద్దుకుంటారు. పైఫొటోలో కనిపిస్తున్న యాక్టివా ఈ కోవలోకే వస్తుంది. ఓ వ్యక్తి తన వాహనాన్ని ఇలా రకరకాల ఇమిటేషన్ జ్యువెలరీతో అద్భుతంగా ముస్తాబు చేశాడు. మొజాంజాహీ మార్కెట్ చౌరస్తాలో కనిపించింది ఈ చిత్రం.
News December 9, 2024
REWIND: NIMSలో KCR దీక్ష విరమణ
ప్రత్యేక రాష్ట్ర సాధన కోసం KCR చేపట్టిన ఆమరణ నిరాహార దీక్ష తెలంగాణ ఉద్యమానికి ఊపిరిపోసింది. 29 NOV 2009లో కరీంనగర్‌లోని తెలంగాణ‌భవన్ నుంచి సిద్దిపేటలోని దీక్ష శిబిరానికి వెళుతుండగా అలుగునూర్ చౌరస్తా వద్ద KCRని అరెస్ట్ చేశారు. అక్కడి నుంచి ఖమ్మం తరలించారు. జైలులో దీక్ష చేయగా ఆయన ఆరోగ్యం క్షీణించింది. వెంటనే NIMSకు తరలించారు. DEC 9న కేంద్రం నుంచి సానుకూల ప్రకటన రావడంతో KCR NIMSలో దీక్ష విరమించారు.