News December 19, 2024
HYD: రోడ్‌కు రతన్ టాటా పేరు
HYD శివారు ఆదిభట్ల మున్సిపాలిటీలో ORR బొంగ్లూరు నుంచి ఆదిభట్ల పట్టణానికి నిర్మించిన రోడ్డుకు రతన్ టాటా మార్గ్‌గా నామకరణం చేస్తూ తీర్మానించారు. భారతదేశానికి అనేక విధాలుగా సేవలందించి 2024 అక్టోబర్ 9న స్వర్గస్తులైన పారిశ్రామికవేత్త సేవలకు గుర్తింపుగా రోడ్డుకు టాటా పేరును పెట్టినట్లు మున్సిపల్ ఛైర్మన్ నిరంజన్ రెడ్డి తెలిపారు. ఇక్కడ ఆయన విగ్రహాన్ని కూడా నెలకొల్పుతామని గతంలోనే స్పష్టం చేశారు.
Similar News
News January 17, 2025
బీసీ మేధావుల సదస్సులో రాజ్యసభ ఎంపీ
కాచిగూడలోని అభినందన్ గ్రాండ్‌లో శుక్రవారం బీసీ మేధావుల సదస్సు జరిగింది. ఈ కార్యక్రమానికి ముఖ్యఅతిథిగా రాజ్యసభ సభ్యులు ఆర్.కృష్ణయ్య హాజరయ్యారు. మండలి ప్రతిపక్షనేత సీ.మధుసూదనాచారి, ఆల్ ఇండియా ఓబీసీ జనరల్ సెక్రటరీ కత్తి వెంకటస్వామి, బీసీ కమిషన్ మాజీ ఛైర్మన్ వకుళాభరణం కృష్ణమోహన్, అఖిలపక్ష ప్రజా ప్రతినిధులు, వివిధ పార్టీల నేతలు, కులసంఘాల సభ్యులు సదస్సులో పాల్గొన్నారు.
News January 17, 2025
HYD: చేవెళ్లలో త్వ‌ర‌లో ఉపఎన్నిక: కేటీఆర్
చేవెళ్ల నియోజ‌కవ‌ర్గంలో త్వ‌ర‌లోనే ఉప ఎన్నిక రాబోతుంద‌ని బీఆర్ఎస్ వ‌ర్కింగ్ ప్రెసిడెంట్ కేటీఆర్ కీల‌క వ్యాఖ్య‌లు చేశారు. ఉప ఎన్నిక‌లో కాంగ్రెస్ ప్ర‌భుత్వం మోసాల‌ను రైతులు, ఆడ‌బిడ్డ‌లు ఎండ‌గట్టాల‌ని కేటీఆర్ సూచించారు. రంగారెడ్డి జిల్లా షాబాద్‌లో ఏర్పాటు చేసిన రైతు ధ‌ర్నాలో కేటీఆర్ పాల్గొని ప్ర‌సంగించారు. చేవెళ్లకు త్వ‌ర‌లో ఉప ఎన్నిక రాబోతోందని KTR వ్యాఖ్యలపై మీరేమంటారు. కామెంట్ చేయండి.
News January 17, 2025
ఇబ్రహీంపట్నం: కూతురు వరసయ్యే బాలికపై అత్యాచారం
కూతురు వరసైన బాలికపై అత్యాచారానికి పాల్పడ్డ ఘటన ఆదిభట్ల PS పరిధిలో జరిగింది. పోలీసుల కథనం.. తుర్కయంజాల్‌కు చెందిన ఆంజనేయులుకు వరుసకు కూతురయ్యే బాలిక పుట్టినరోజు సందర్భంగా కొత్త బట్టలు కొనిస్తానని ఇంట్లో చెప్పి తుర్కయంజాల్‌లోని ఓ లాడ్జికి తీసుకెళ్లాడు. అనంతరం బాలిక కేకలు వేస్తూ బయటకు రావడంతో స్థానికులు పోలీసులకు సమాచారం అందించారు. నిందితుడిని అదుపులోకి తీసుకొని పోక్సో కేసు నమోదు చేశారు.