News September 20, 2025
HYD: ఆన్‌లైన్ బెట్టింగ్ ముఠా గుట్టు రట్టు
బహదూర్‌పూర పోలీస్ స్టేషన్ పరిధిలో ఆన్‌లైన్ బెట్టింగ్ ముఠాను పోలీసులు పట్టుకున్నారు. వెస్టర్న్ టాస్క్‌ఫోర్స్ పోలీసులు ప్రధాన నిందితుడు గిరీష్ అగర్వాల్, ఆరుగురు ఏజెంట్లను అరెస్టు చేశారు. వారి నుంచి రూ.25 వేల నగదు, 55 సెల్‌ఫోన్లు, మూడు ల్యాప్‌టాప్‌లు, 60 డెబిట్ కార్డులు స్వాధీనం చేసుకున్నారు. ‘స్కెచ్’, ’99 రేస్’ వంటి పేర్లతో నిందితులు బెట్టింగ్ యాప్‌లను నడుపుతున్నట్లు పోలీసులు తెలిపారు.
Similar News
News September 20, 2025
డ్రోన్లతో వ్యవసాయం లాభసాటి మార్గం: కలెక్టర్
లింగపాలెంలో వరి పొలాల్లో డ్రోన్లతో నానో యూరియా స్ప్రే కార్యక్రమాన్ని జిల్లా కలెక్టర్ కె.వెట్రిసెల్వి శనివారం పరిశీలించారు. రైతులకు సబ్సిడీతో అధునాతన వ్యవసాయ పరికరాలు అందుబాటులో ఉన్నాయని, వీటిని సద్వినియోగం చేసుకోవాలని ఆమె సూచించారు. డ్రోన్లతో ఎరువులు, పురుగు మందులు 5 నిమిషాల్లోనే పిచికారీ అవ్వడం ద్వారా సమయం, డబ్బు ఆదా అవుతుందని కలెక్టర్ పేర్కొన్నారు.
News September 20, 2025
నెల్లూరు: కూలితే ప్రమాదమే..!
జాతీయ రహదారి నుంచి కోవూరు మండలం ఇనమడుగు సెంటర్‌కు వెళ్లే రహదారిలో భారీ వాహనాలు రాకపోకలు సాగించకుండా ఏర్పాటు చేసిన భారీకేడ్ కూలేందుకు సిద్ధంగా ఉంది. ఓ వైపు కింది భాగం ఊడిపోయి పక్కకు జరిగిపోయింది. ఈ క్రమంలో ఆ భారీకేడ్ పడిపోయి ప్రమాదం పొంచి ఉంది. ఏమాత్రం వాహనాల రాకపోకల్లో భారీకేడ్ పడిపోతే పెనుప్రమాదం జరిగే అవకాశం ఉంది. అధికారులు స్పందించి తగు చర్యలు తీసుకోవాలని ప్రజలు కోరుతున్నారు.
News September 20, 2025
హెయిర్ క్రింపింగ్ ఎలా చేయాలంటే?
కొందరు అమ్మాయిలకు జుట్టు పలుచగా ఉంటుంది. ఒత్తుగా కనిపించాలని పార్లర్‌కి వెళ్లి హెయిర్ క్రింపింగ్ చేయించుకుంటారు. అయితే కొన్ని టిప్స్ పాటించి ఇంట్లోనే దీన్ని చేసుకోవచ్చు. ముందు జుట్టుకు హెయిర్ ప్రొటక్షన్‌ను అప్లై చేసి చిక్కులు లేకుండా దువ్వుకోవాలి. జుట్టును లేయర్స్‌గా తీసుకుంటూ హెయిర్ క్రింపర్‌తో గట్టిగా ప్రెస్ చేయాలి. జుట్టు మొత్తం ఇలా చేశాక హెయిర్ స్ప్రే చేస్తే చాలు జుట్టు ఒత్తుగా కనిపిస్తుంది.