News February 6, 2026
HYD: ఇంటర్ ప్రాక్టికల్స్లో ‘డిజిటల్’ స్కామ్..?
ఇంటర్ ప్రాక్టికల్స్లో కార్పొరేట్ కాలేజీల డిజిటల్ దగా బట్టబయలైంది. సాంకేతిక లోపమని మేనేజ్మెంట్లు బుకాయించినా, మధ్యాహ్నం 3:15కు సీసీ కెమెరాలను ముందస్తు ప్లాన్ ప్రకారమే మాన్యువల్గా లాగ్-అవుట్ చేసినట్లు సర్వర్ లాగ్స్లో తేలింది. వైవా బుక్లెట్లపై ‘ప్రాక్సీ’ సంతకాల వ్యవహారం సంచలనం రేపుతోంది. ఈస్కామ్తో ఇప్పటికే 16మంది సిబ్బందిపై వేటు పడగా, 22 కాలేజీల గుర్తింపు రద్దు దిశగా బోర్డు అడుగులు వేస్తోంది.
Similar News
News February 6, 2026
HYDలో అంతుచిక్కని Mystery!
విజయశాంతి సూసైడ్ కేసులో మిస్టరీ వీడలేదు. భర్తతో విభేదాలు, ఫ్యామిలీ టెన్షన్స్ లేవు. మెరుగైన జీవనం సాగిస్తోన్న ఫ్యామిలీ రైల్వే పట్టాలపై మృతదేహాలుగా మారడం అంతు చిక్కడం లేదు. సాంకేతిక ఆధారాలు పరిశీలించగా 2 అఫీషియల్ కాల్స్ మాత్రమే ఉన్నాయట. కారులో లభించిన ల్యాప్టాప్ను సైతం FSLకి పంపారు. అయితే, తల్లితో పాటు పిల్లలు కూడా సూసైడ్ చేసుకోవడం వెనుక కారణం ఏంటనే కోణంలో SCR పోలీసులు ఎంక్వైరీ చేస్తున్నారు.
News February 6, 2026
HYDలో ఎక్కడికెళ్లినా రూ.5కే టిఫిన్!
పేదల ఆకలి తీర్చేందుకు ప్రభుత్వం ప్రవేశపెట్టిన ఇందిరమ్మ క్యాంటీన్లను ఇక విస్తరించనున్నారు. ప్రస్తుతం 150 పాత డివిజన్లలో క్యాంటీన్లు ఉన్నాయి. అన్ని క్యాంటీన్లలో లంచ్, 60 క్యాంటీన్లలో బ్రేక్ ఫాస్ట్ పెడుతున్నారు. ప్రస్తుతం GHMCలో 300 వార్డులు పెరగడంతో మరో 2 నెలల్లో ఇక్కడ కూడా క్యాంటీన్లు ఏర్పాటు చేసేందుకు అధికారులు ఏర్పాట్లు చేస్తున్నారు. దీంతో గల్లీ నుంచి ORR వరకు రూ.5కే టిఫిన్, లంచ్ అందనుంది.
News February 6, 2026
HYD: బర్త్ డే రోజు Self Satisfaction ఇదే!
నగరంలో కొత్త ట్రెండ్ను యూత్ ఫాలో అవుతుంది. బర్త్ డే వస్తే దావత్లు చేసుకున్నా కిక్ రావడం లేదంటా. అందుకే సోషల్ యాక్టివిటీస్ పేరిట ఏదో ఒక సేవ చేస్తున్నారు. అనాథ ఆశ్రమాలు, ప్రభుత్వ ఆస్పత్రుల వద్ద పేదల కడుపు నింపుతున్నారు. అభాగ్యుల నడుమ కేక్ కట్ చేసి వారితో హైదరాబాద్ యువత హార్ట్ ఫుల్గా సంతృప్తి చెందుతుంది. కొందరు SMలో ప్రమోట్ చేసుకుంటుంటే.. మరికొందరు మూడో కంటికి తెలియకుండా సేవ చేస్తున్నారు.