News January 3, 2026
HYD: కవిత వాహనాలపై చలానాల మోత
ఎమ్మెల్సీ కల్వకుంట్ల కవిత వాడుతున్న వాహనాలపై భారీగా ట్రాఫిక్ చలానాలు పెండింగ్లో ఉన్నట్లు తేలింది. శుక్రవారం ఆమె శాసనమండలికి వచ్చిన మెర్సిడెస్ బెంజ్ కారుపై 6 చలానాలు ఉండగా, గతంలో వాడిన లెక్సస్ వాహనంపై 16 చలానాలు ఉన్నాయి. 22 సార్లు ట్రాఫిక్ నిబంధనల ఉల్లంఘన జరిగినట్లు గుర్తించారు. అతివేగం, ఫ్యాన్సీ నంబర్ ప్లేట్ వంటి కారణాలతో ఈ చలానాలు విధించారు. మొత్తం రూ.17,770 జరిమానా బకాయిలు ఉన్నట్లు సమాచారం.
Similar News
News February 15, 2026
HYD: అద్దెగాడిద కష్టం.. యజమాని ఇష్టం!
అద్దెగాడిద కష్టం.. యజమాని ఇష్టం అన్న సామెత నగరంలో అద్దెకు ఉండేవారి పరిస్థితి సరిపోతుంది. ARV పేరుతో ప్రభుత్వం పన్నులు పెంచుతుంటే, ఆ భారాన్ని కిరాయిదారుల మీదకు నెడుతున్నారు. చట్టప్రకారం ‘రెంటల్ కంట్రోల్’ ఉన్నా, అది కేవలం పుస్తకాలకే పరిమితమైంది. ‘పన్ను పెరిగింది అద్దె పెంచుతున్నా’ అనే యజమానుల తీరుతో సామాన్యులు విలవిలలాడుతున్నారు. అగ్రిమెంట్లు లేకపోవడంతో కిరాయిదారులకు కోర్టుకెళ్లే ధైర్యం లేకపోయింది.
News February 15, 2026
HYD: తొలి అడుగు 10th తర్వాతే!
బాల్యం తర్వాత కొత్త జీవితంలోకి తొలి అడుగు వేసేది 10th క్లాస్ తర్వాతే. అలాంటి కీలకమైన దశలో స్టూడెంట్స్తోపాటు వారి తల్లిదండ్రులు ఒక స్పష్టమైన నిర్ణయం తీసుకునేలా Way2News& Resonance సంస్థ సంయుక్తంగా ఉచిత అవగాహన సదస్సు నిర్వహించింది. సికింద్రాబాద్ ప్యారడైజ్లోని క్లాసిక్ గార్డెన్లో ఆదివారం జరిగిన ఈ సదస్సులో CBI EX జేడీ లక్ష్మీనారాయణ పాల్గొని మార్గనిర్దేశం చేశారు.
News February 15, 2026
హస్తం జోరు.. ఇక GHMC ఎన్నికలేనా?
మున్సిపల్ ఎన్నికల్లో అధికార పార్టీ సత్తాచాటడంతో జోష్లో ఉంది. ఇదే ఊపులో GHMC ఎన్నికలు నిర్వహించేందుకు సర్కారు సిద్ధమైనట్లు తెలుస్తోంది. 3 కార్పొరేషన్లుగా ఏర్పాటు కావటంతో పలు విషయాలను పరిగణనలోకి తీసుకుని రిజర్వేషన్లను ఖరారు చేసే పనిలో పడింది. మే నెల చివరి కల్లా పాలకమండలి కొలువుదీరేలాగా సర్కార్ కసరత్తు చేస్తున్నట్లు తెలుస్తోంది. శివారు మున్సిపాలిటీల్లో హస్తానికి మిశ్రమ ఫలితాలొచ్చాయి.