News February 19, 2025
HYD: గుండెపోటుతో మరో లాయర్ మృతి..!
HYDలో నేడు మరో లాయర్ గుండెపోటుతో మృతి చెందారు. తార్నాకకు చెందిన లాయర్ వెంకటరమణ మారేడ్‌పల్లిలోని ఇండియన్ బ్యాంక్‌లో చలానా కట్టేందుకు వెళ్లి ఒక్కసారిగా కుప్పకూలారని స్థానికులు తెలిపారు. హుటాహటిన ఆస్పత్రికి తరలించగా అప్పటికే మరణించినట్లు వైద్యులు ధ్రువీకరించారు. నిన్న హైకోర్టులో వాదనలు వినిపిస్తూనే లాయర్ వేణుగోపాల్ రావు మరణించిన సంగతి తెలిసిందే. వరుస గుండెపోటు మరణాలు HYDలో భయాందోళనలు కలిగిస్తున్నాయి.
Similar News
News September 14, 2025
నూజివీడులో విద్యుత్ ఘాతంతో లారీ డ్రైవర్ మృతి
నూజివీడు మండలం రావిచర్ల గ్రామం నుంచి మామిడి పుల్ల లోడుతో వస్తున్న లారీ విద్యుత్ ఘాతానికి గురికావడంతో డ్రైవర్ రవి అక్కడికక్కడే చనిపోయాడు. ప్రకాశం జిల్లా గిద్దలూరు గ్రామానికి చెందిన రవి శనివారం రాత్రి మృతి చెందాడు. మృతదేహాన్ని పోస్టుమార్టం నిమిత్తం నూజివీడు ఏరియా ప్రభుత్వ ఆసుపత్రికి తరలించారు. సమాచారం అందుకున్న పోలీసులు ఘటనా స్థలికి చేరుకొని విచారణ చేపట్టారు.
News September 13, 2025
జనగామ జిల్లాలో నేటి టాప్ న్యూస్!
> జనగామ: యూరియా దొరకక రైతుల ఇక్కట్లు
> గానుగుపహాడ్ బ్రిడ్జి నిర్మించాలని వాహనదారులు, స్థానికుల ధర్నా
> దిక్సూచి కార్యక్రమాన్ని సద్వినియోగం చేసుకోవాలి: కలెక్టర్
> దేవరుప్పుల: షేక్ బందగి స్తూపం వద్ద నివాళులు అర్పించిన సీపీఎం నేతలు
> డాక్టరేట్ పొందిన మచ్చుపహాడ్ వాసి
> స్టేషన్ ఘనపూర్: బెట్టింగ్ కోసం దొంగతనాలు.. ఒకరి అరెస్ట్
> చిన్న పెండ్యాల: రైలు కిందపడి బర్రెలు మృతి
News September 13, 2025
‘మిరాయ్’ ఐడియా అప్పుడే పుట్టింది: దర్శకుడు కార్తీక్
‘మిరాయ్’ మూవీ ఐడియా 2015-16లో పుట్టిందని దర్శకుడు కార్తీక్ ఘట్టమనేని చెప్పారు. చనిపోయిన తన ఫ్రెండ్ అస్థికలు కలిపేందుకు రామేశ్వరం వెళ్తున్న సమయంలో కథకు బీజం పడిందని పేర్కొన్నారు. ఆ సమయంలో గద్ద తనతో పాటు ట్రావెల్ చేస్తున్నట్లు అనిపించిందని, అలా కథ పుట్టిందన్నారు. మిరాయ్ అనేది జపనీస్ పదమని, దానికి అర్థం ఫ్యూచర్ అని తెలిపారు. ఈ మూవీ కథ రాసేందుకు 5-8 ఏళ్లు పట్టిందన్నారు.