News September 23, 2025
HYD: డ్రైనేజీ మ్యాన్‌హోల్స్‌‌లో దుప్పట్లు, పరదాలు..!
హైదరాబాద్ నగరంలోని రెడ్ హిల్స్, నాంపల్లి, బహదూర్‌పూర, తిరుమలగిరి, అంబర్పేట, రామంతపూర్ ప్రాంతాల్లో డ్రైనేజీ మ్యాన్‌హోల్స్‌ క్లీనింగ్‌పై స్పెషల్ డ్రైవ్ నిర్వహించారు. ఈ డ్రైవ్‌లో మ్యాన్‌హోల్స్‌ నుంచి చెత్త చెదారం, దుప్పట్లు, దుస్తువులు, పరదాలు, తాళ్లు, చివరికి కుర్చీ సైతం బయటపడినట్లు జీహెచ్‌ఎంసీ అధికారులు తెలిపారు. ఎలాంటి వస్తువులను డ్రైనేజీలో పడేయొద్దని ప్రజలకు సూచించారు.
Similar News
News September 23, 2025
నార్సింగిలో ప్రేమ జంటపై దుండగుల దాడి
నార్సింగి పరిధిలో దొంగలు రెచ్చిపోయారు. ఆదివారం రాత్రి కోకాపేట్ నియోపోలిస్ వద్ద ఒంటరిగా ఉన్న ఓ ప్రేమ జంటపై ఆరుగురు దుండగులు దాడికి పాల్పడ్డారు. వాళ్లను బెదిరించి బంగారు గొలుసు, మొబైల్, నగదు లాక్కొని బైక్స్‌పై పరారయ్యారు. ఈమేరకు బాధితుల ఫిర్యాదుతో నార్సింగి పోలీసులు కేసు నమోదు చేశారు. స్థానికంగా ఉన్న సీసీటీవీ ఫుటేజీల ఆధారంగా దర్యాప్తు చేపట్టారు.
News September 23, 2025
HYD:’వ‌ర‌ద భయం లేని న‌గ‌ర‌మే హైడ్రా లక్ష్యం’
HYD నగరాన్ని వరదల నుంచి కాపాడడం, ప్రజలు ఏలాంటి భయం లేకుండా జీవించేలా చేయడం హైడ్రా ప్రధాన లక్ష్యం అని కమిషనర్ రంగనాథ్ అన్నారు. వర్షాకాలంలో కొద్దిపాటి వర్షానికే నీట మునిగే పరిస్థితులు తలెత్తకుండా ముందస్తు చర్యలు చేపడుతోంది. డ్రైనేజీ వ్యవస్థను బలోపేతం చేయడం, కొత్త నాలాలు, కాల్వలు నిర్మించడం, చెరువులను శుభ్రపరచడం, వర్షపు నీరు నిల్వ లేకుండా చర్యలు అమలు చేస్తోందన్నారు.
News September 23, 2025
HYD: బొనాంజా ఆఫర్.. నమ్మితే నట్టేట మునిగినట్టే!
దసరా పండుగను సైబర్ నేరగాళ్లు ‘క్యాష్’ చేసుకుంటున్నారు. బొనాంజా ఆఫర్ పేరుతో వాట్సప్, ఇన్‌‌స్టా, టెలిగ్రామ్‌లో లింక్‌లు పంపిస్తూ 75 నుంచి 100% డిస్కౌంట్ ఇస్తామని గాలం వేస్తున్నారు. గ్రేటర్ హైదరాబాద్ నాచారంలో వ్యక్తి ఈ గాలానికి చిక్కి రూ.18,987 పోగొట్టుకున్నాడు. అందుకే దసరా సందర్భంగా వచ్చే లింక్‌లను క్లిక్ చేయకపోవడం బెటర్.