News October 10, 2025
HYD: ఫైర్ క్రాకర్ విక్రేతలతో డీసీపీ శిల్పవల్లి సమీక్ష
దీపావళి పండుగను పురస్కరించుకుని ఫైర్ క్రాకర్ దుకాణదారులతో శుక్రవారం HYD సెంట్రల్ జోన్ డీసీపీ శిల్పవల్లి, IPS ఆధ్వర్యంలో సమావేశం జరిగింది. ఈ సందర్భంగా ఆమె మాట్లాడుతూ.. ప్రజల భద్రతను దృష్టిలో ఉంచుకుని అగ్నిప్రమాదాల నివారణ చర్యలు, భద్రతా ప్రమాణాలు, ప్రభుత్వ నియమావళిని కచ్చితంగా పాటించాలని సూచించారు. కార్యక్రమంలో సెంట్రల్ జోన్ అదనపు డీసీపీ ఆనంద్, జోన్ ఏసీపీలు, సీఐలు, సిబ్బంది ఉన్నారు.
Similar News
News October 11, 2025
నగరంలో కాకరేపిన ‘లోకల్, నాన్- లోకల్’
జూబ్లీహిల్స్ ఉపఎన్నిక వేళ నియోజకవర్గంలో ఇప్పుడు లోకల్, నాన్-లోకల్ అంశం హాట్ టాపిక్‌గా మారింది. ఇటీవలే నగర ఇన్‌ఛార్జ్ మంత్రి పొన్నం ప్రభాకర్ స్థానికులకే టికెట్ అంటూ చేసిన వాఖ్యలు నగరంలో దుమారం రేపాయి. నవీన్ యాదవ్ <<17966984>>కామెంట్స్<<>> తర్వాత PJR అభిమానులు భగ్గుమన్నారు. త్వరలో జరిగే DCC నియామక ప్రక్రియ, GHMC ఎన్నికలపై దీని ప్రభావం పడే అవకాశం ఉన్నట్లు నేతల మధ్య చర్చ నడుస్తోంది. దీనిపై మీ కామెంట్.
News October 11, 2025
OU: విదేశీ భాషల డిప్లొమా కోర్సుల పరీక్షా తేదీల ఖరారు
ఉస్మానియా యూనివర్సిటీ పరిధిలోని విదేశీ భాషల డిప్లొమా కోర్సుల పరీక్షా తేదీలను ఖరారు చేసినట్లు అధికారులు తెలిపారు. జూనియర్ డిప్లొమా ఇన్ ఫ్రెంచ్, జూనియర్ డిప్లొమా ఇన్ జర్మన్, సీనియర్ డిప్లొమా ఇన్ ఫ్రెంచ్, సీనియర్ డిప్లొమా ఇన్ జర్మన్ కోర్సుల పరీక్షలను ఈ నెల 23వ తేదీ నుంచి నిర్వహించనున్నట్లు చెప్పారు. పరీక్షా తేదీల పూర్తి వివరాలను ఓయూ వెబ్‌సైట్‌లో చూసుకోవచ్చని సూచించారు.
News October 11, 2025
బేగంపేట్‌ సీఎం ప్రజావాణికి 275 దరఖాస్తులు
బేగంపేట్‌లోని ప్రజాభవన్‌లో శుక్రవారం నిర్వహించిన సీఎం ప్రజావాణి కార్యక్రమంలో మొత్తం 275 దరఖాస్తులు వచ్చాయి. పంచాయతీ రాజ్, గ్రామీణాభివృద్ధి శాఖకు సంబంధించి 76, రెవెన్యూ శాఖకు సంబంధించి 43, ఇందిరమ్మ ఇళ్ల కోసం 85, ప్రవాసి ప్రజావాణికి 2 దరఖాస్తులు వచ్చాయి. ఇతర శాఖలకు సంబంధించి 69 దరఖాస్తులు అందినట్లు అధికారులు తెలిపారు.