News February 26, 2026
HYD: ఫోన్ రిపేర్, ఐటీఐ, ల్యాండ్ సర్వేలో ఫ్రీ కోర్సు
ముస్లింలు, సిక్కులు, జైనులు, బౌద్ధులు, పార్సీవర్గాలకు చెందిన 18- 35 ఏళ్ల యువత నుంచి ఉచిత శిక్షణ కోర్సులకు FEB 25- మార్చి 3 వరకు దరఖాస్తులు స్వీకరిస్తున్నట్లు జిల్లా మైనారిటీ సంక్షేమ అధికారి ఇలియాస్ అహ్మద్ తెలిపారు. ల్యాండ్ సర్వేయర్, ఎంఈపీ టెక్నీషియన్ (ఇంటర్/ఐటీఐ/డిప్లొమా), స్మార్ట్ఫోన్ రిపేర్ (టెన్త్) కోర్సులకు 3 నెలల శిక్షణ ఇస్తారు. ఆధార్, విద్యార్హత సర్టిఫికెట్లు, ఆదాయ ధ్రువీకరణ పత్రాలు అవసరం.
Similar News
News February 26, 2026
చాహత్కు అదనపు బాధ్యతలు.. ఎన్నికలే కారణమా?
హనుమకొండ కలెక్టర్గా బదిలీ అయిన చాహత్ బాజ్పాయ్కు ప్రభుత్వం కీలక బాధ్యతలు అప్పగించింది. ప్రస్తుతం ఆమె చూస్తున్న గ్రేటర్ వరంగల్ మున్సిపల్ కమిషనర్ బాధ్యతలను కూడా అదనంగా కొనసాగించనున్నారు. రాబోయే గ్రేటర్ ఎన్నికలు, అభివృద్ధి పనులకు ఆటంకం కలగకూడదనే ఈ నిర్ణయం తీసుకున్నట్లు సమాచారం. ఇప్పటికే తనదైన ముద్ర వేసిన చాహత్, కలెక్టర్గా పని దొంగల పని పడతారని నగరవాసులు ఆశిస్తున్నారు.
News February 26, 2026
ఆసిఫాబాద్ అదనపు కలెక్టర్ బదిలీ
ఆసిఫాబాద్ జిల్లా అదనపు కలెక్టర్ దీపక్ తివారి బదిలీ అయ్యారు. ప్రభుత్వ ఆదేశాల ప్రకారం ఆయనను వికారాబాద్ జిల్లాకు బదిలీ చేస్తూ అధికారులు ప్రకటన విడుదల చేశారు. ఆసిఫాబాద్లో తన బాధ్యతలను విజయవంతంగా పూర్తి చేసిన ఆయన, త్వరలోనే వికారాబాద్ కలెక్టర్గా బాధ్యతలు స్వీకరించనున్నారు. ఈ సందర్భంగా జిల్లా అధికారులు, ప్రజలు సమన్వయంతో పనిచేసి అభివృద్ధికి సహకరించాలని ఆయన కోరారు.
News February 26, 2026
భద్రాద్రి కొత్తగూడెం కలెక్టర్గా అంకిత్
భద్రాద్రి కొత్తగూడెం జిల్లా నూతన కలెక్టర్గా అంకిత్ ఐఏఎస్ నియమితులయ్యారు. నిజామాబాద్ అదనపు కలెక్టర్గా బాధ్యతలు నిర్వహించిన అంకిత్ను భద్రాద్రి కొత్తగూడెం కలెక్టర్గా నియమిస్తూ ప్రభుత్వం ఉత్తర్వులు జారీ చేసింది. ప్రస్తుత కలెక్టర్ జితేష్ వి పాటిల్ టీజీ ఎన్పీడీసీఎల్ ఛైర్మన్ అండ్ మేనేజ్మెంట్ డైరెక్టర్గా బదిలీ అయ్యారు.