News September 25, 2025
HYD: బతుకమ్మ ఏర్పాట్లపై అధికారులతో సీఎస్ సమీక్ష
ఈనెల 29న సరూర్‌నగర్ స్టేడియంలో నిర్వహించే భారీ బతుకమ్మ ఏర్పాట్లపై సీఎస్ రామకృష్ణ సమీక్ష నిర్వహించారు. ఈనెల 26న రాష్ట్ర సీఎం రేవంత్ రెడ్డి చేతుల మీదుగా బతుకమ్మ కుంటలో బతుకమ్మ సంబురాలను విజయవంతం చేయాలని సూచించారు. అధికారులు సమన్వయంతో కృషి చేయాలని ఆదేశించారు. ఈనెల 29న నిర్వహించే కార్యక్రమం గిన్నిస్ బుక్ రికార్డ్‌లో నమోదయ్యే అవకాశం ఉన్నందున విస్తృత ఏర్పాట్లు చేయాలని అధికారులను ఆదేశించారు.
Similar News
News September 25, 2025
HYDను ‘గ్లోబల్ హెల్త్ కేర్ హబ్’గా తీర్చిదిద్దాలన్నదే లక్ష్యం: మంత్రి
HYDను ‘గ్లోబల్ హెల్త్ కేర్ హబ్’గా అభివృద్ధి చేయాలన్నదే తమ ప్రభుత్వ లక్ష్యమని రాష్ట్ర ఐటీ, పరిశ్రమల శాఖ మంత్రి శ్రీధర్ బాబు అన్నారు. ప్రపంచ ప్రఖ్యాతి గాంచిన HCA సంస్థ గ్లోబల్ క్యాపబిలిటీ సెంటర్ (GCC)ను రాయదుర్గంలో బుధవారం ఆయన ప్రారంభించారు. అమెరికా, యూకేలో కార్యకలాపాలు నిర్వహిస్తున్న హెచ్‌సీఏ హెల్త్‌కేర్‌కు 190 ఆసుపత్రులు, 2,400 కేర్ సైట్లు ఉన్నాయని చెప్పారు.
News September 25, 2025
HYD: నిత్యావసర ధరలు తగ్గడంతో ప్రజలు హ్యాపీ: ఎంపీ
దీపావళికి ముందే అందరి ఇళ్లలోకి లక్ష్మీదేవి రావడంతో సంతోషంగా ఉన్నారని బీజేపీ ఎంపీ కే.లక్ష్మణ్ పేర్కొన్నారు. ప్రధాని మోదీ GST తీసుకురావడం వల్ల నిత్యావసర వస్తువుల ధరలు తగ్గుతున్నాయని వెల్లడించారు. చితికిపోయిన ఆర్థిక వ్యవస్థను బలోపేతం చేయడానికి మోదీ తీసుకొచ్చిన సంస్కరణలే ఇందుకు కారణమని చెప్పారు. కాంగ్రెస్ పన్నుల నుంచి మోదీ ప్రభుత్వం ఉపశమనం కల్పించిందని తెలిపారు.
News September 25, 2025
HYD: హైడ్రాకు రూ.69 కోట్లు కేటాయింపు
హైడ్రాకు 2025-26 బడ్జెట్లో భాగంగా రూ.69 కోట్లు మంజూరు చేస్తూ తెలంగాణ ప్రభుత్వం జీవో జారీ చేసింది. ఈ మేరకు ట్రెజరీ విభాగానికి నిధులు విడుదల చేయాలని సూచించింది. కాంగ్రెస్ ప్రభుత్వం హైదరాబాద్ నగరంలో ప్రభుత్వ ఆస్తుల పరిరక్షణ, చెరువుల సంరక్షణ కోసం హైడ్రాను ఏర్పాటు చేసింది. గతేడాది కాలంలో హైడ్రా అనేక అక్రమ కట్టడాలు కూల్చివేయడంతోపాటు బతుకమ్మ కుంటను కూడా పునరుద్ధరించింది.