News May 23, 2024
HYD: మందుబాబులకు నిల్వ చేసిన చికెన్ అమ్ముతున్నారు!
HYD, ఉమ్మడి RRలో కల్తీ, పాడైన ఆహార పదార్థాల అమ్మకాల ఘటనలు తరచూ వెలుగు చూస్తున్నాయి. నగరంలోని పలు బార్లు, వైన్స్‌ల వద్ద తనిఖీలు చేసిన అధికారులు.. చికెన్‌ను నిల్వ చేసి అమ్ముతున్నట్లు గుర్తించారు. పాడైన సరే చికెన్‌ను అలాగే వండి ఇస్తున్నారని తెలిపారు. తాజాగా సోమాజిగూడలోని హెడ్ క్వార్టర్స్ రెస్ట్-ఓ-బార్‌లో అధికారులు తనిఖీ చేసి ఫ్రిడ్జిలో కొన్ని రోజుల నుంచి నిల్వ చేసి ఉన్న చికెన్, మటన్‌ను గుర్తించారు.
Similar News
News November 28, 2024
నాచారంలో దేశంలోనే అతిపెద్ద హైపర్ మార్ట్ నేడే ప్రారంభం
పటాన్‌చెరులో అద్భుత విజయం సాధించిన హైపర్ మార్ట్-వ్యాల్యుజోన్ ఇప్పుడు నాచారంలో ప్రారంభంకానుంది. ప్రముఖ సినీనటుడు నందమూరి బాలకృష్ణ నేడు హైపర్ మార్ట్‌ను ప్రారంభించనున్నారు. ఫ్యాషన్, కిరాణా సరుకులు, ఫుట్‌వేర్‌, లగేజ్‌, ఫర్నిషింగ్‌ వంటి బ్రాండ్‌లను ఒకే చోట అందిస్తోంది వాల్యూజోన్‌. రోజువారీ అవసరాల నుంచి ప్రత్యేక వస్తువుల వరకు వినియోగదారుల కోసం హైపర్ మార్ట్-వ్యాల్యూజోన్ అందుబాటులోకి రానుంది.
News November 28, 2024
అందరికీ వేదికైన హైదరాబాద్!
వరుస కార్యక్రమాలతో HYD వాతావరణం సందడిగా మారనుంది. రేపు BRS ఆధ్వర్యంలో దీక్షా దివస్ పెద్ద ఎత్తున్న నిర్వహిస్తున్నారు. డిసెంబర్‌ 1న సికింద్రాబాద్ పరేడ్‌ మైదానంలో మాల సంఘాలు సింహగర్జనకు పిలుపునిచ్చారు. తమకు న్యాయం చేయాలంటూ డిసెంబర్‌ 7న ఆటోలు బంద్‌ చేసి నిరసన తెలుపుతామని ఆటో JAC ప్రకటించింది. డిసెంబర్‌ తొలివారంలోనే CM రేవంత్ రెడ్డి పాతబస్తీలో పర్యటించే అవకాశం ఉంది. దీంతో అంతా సన్నద్ధం అవుతున్నారు.
News November 28, 2024
HYD: ఆకర్షణ 18వ లైబ్రరీని ఓపెన్ చేసిన రాష్ట్ర గవర్నర్
8వ క్లాస్ స్టూడెంట్ ఆకర్షణ(13) అనాథాశ్రమాలు, పాఠశాలల్లో లైబ్రరీలను ఏర్పాటు చేయడం అభినందనీయమని రాష్ర్ట గవర్నర్ జిష్ణుదేవ్ వర్మ అన్నారు. మూసాపేటలోని సాయి సేవా సంఘం అనాథ పిల్లల ఆశ్రమంలో ఆకర్షణ 18వ లైబ్రరీని గవర్నర్ ప్రారంభించారు. పలు పుస్తకాలను విద్యార్థులకు అందచేశారు. పాకెట్ మనీతో పాటు తాను సేకరించిన పుస్తకాలతో లైబ్రరీలు ఏర్పాటు చేస్తున్న ఆకర్షణ నేటి తరం స్టూడెంట్స్‌కు ఆదర్శమన్నారు.