News October 6, 2025
HYD: మల్లేశ్‌కు ఉద్యోగం కల్పించిన NIMS డైరెక్టర్
ఎత్తు తక్కువ కారణంగా ఎక్కడా ఉద్యోగం దొరకక ఇబ్బంది పడుతున్న శంషాబాద్‌ వాసి మరుగుజ్జు మల్లేశ్‌కు NIMS డైరెక్టర్ ప్రొ.నగరి బీరప్ప అండగా నిలిచారు. తన బాధ విన్న ఆయన, మల్లేశ్‌కు ఉద్యోగం కల్పిస్తానని హామీ ఇచ్చి వెంటనే లిఫ్ట్ ఆపరేటర్‌గా నియామకపత్రం అందజేశారు. దీంతో మల్లేశ్ ఆనందం వ్యక్తం చేస్తూ, తన జీవితానికి కొత్త ఆశ కలిగించిన బీరప్పకి కృతజ్ఞతలు తెలిపాడు.
Similar News
News October 6, 2025
HYD: అవసరమైన సమాచారం వెంటనే అందించాలి: డిప్యూటీ కమిషనర్
హైదరాబాద్‌, సికింద్రాబాద్ పరిధిలోని 179 మద్యం దుకాణాల దరఖాస్తుదారులకు అవసరమైన సమాచారం వెంటనే అందించాలని ఎక్సైజ్‌ డిప్యూటీ కమిషనర్ అనిల్‌కుమార్‌రెడ్డి ఈరోజు ఆదేశించారు. అబ్కారీ భవన్‌లో జరిగిన సమీక్షా సమావేశంలో 11 ఎక్సైజ్‌ స్టేషన్ల ఎస్‌హెచ్‌ఓలు, ఎస్ఐలు పాల్గొన్నారు. దరఖాస్తులు నింపడంలో దరఖాస్తుదారులకు సహకారం అందించి, ఎటువంటి తప్పిదాలు లేకుండా చూడాలని సూచించారు.
News October 6, 2025
HYDలో 95% పెరిగిన బిల్టప్ ఏరియా
గత 30 ఏళ్లలో దేశంలోని ప్రధాన నగరాల్లో నిర్మాణాల విస్తీర్ణం రెట్టింపైందని ‘సిటీస్ ఇన్ మోషన్’లో స్వైర్ యార్డ్ సంస్థ వెల్లడించింది. 8 ప్రధాన నగరాల్లో బిల్టప్ ఏరియా మొత్తం 4,308 చదరపు కిలోమీటర్లకు చేరింది. ఇది 98% పెరుగుదలగా పేర్కొంది. HYDలో ప్రస్తుతం బిల్టప్ ఏరియా 519 చ.కి.మీ.గా ఉండగా, 1995లో 267 చ.కి.మీ. మాత్రమే ఉండేది. ఈ మధ్యకాలంలో 252 చ.కి.మీ. పెరిగి, 95% వృద్ధి నమోదైంది.
News October 6, 2025
సికింద్రాబాద్ స్టేషన్.. 63% రీ డెవలప్మెంట్ పూర్తి
సికింద్రాబాద్ రైల్వే స్టేషన్ పునరాభివృద్ధి పనులు 63% పూర్తయినట్లు DRM డా.గోపాలకృష్ణన్ తెలిపారు. ఇప్పటికే వెయిటింగ్ హిల్స్ అందుబాటులోకి తీసుకొచ్చామని, త్వరలో పూర్తికానున్న మిగతా వాటిని సైతం ప్రయాణికులకు చేరువ చేసేందుకు ప్రయత్నిస్తున్నట్లు వివరించారు. నెల రోజుల్లో 12% పనులలో వేగం పెంచినట్లుగా చెప్పుకొచ్చారు.