News November 13, 2024
HYD: మూసీపై MASTER ప్లానింగ్, డిజైన్లపై కసరత్తు!
HYD మూసీకి తూర్పున గౌరెల్లి నుంచి పశ్చిమాన నార్సింగి వరకు 55KM మేర మాస్టర్ ప్లాన్ సిద్ధం చేస్తున్నారు. నదికి ఇరువైపుల కిలోమీటర్ మేర గ్రోత్ ఏరియాగా గుర్తించారు. మొత్తంగా 125 చదరపు కిలోమీటర్ల విస్తీర్ణంలో ఉండేలా ప్రణాళికలు సిద్ధం చేస్తున్నారు. వాణిజ్య కేంద్రాలు, రవాణా, లాజిస్టిక్ పార్కులు, గ్రీన్ జోన్ లాంటివి ఏర్పాటు చేయనున్నారు. మరో నెలలో మూసీ డిజైన్లు పూర్తవుతాయని ఇటీవల సీఎం రేవంత్ రెడ్డి అన్నారు.
Similar News
News November 22, 2024
HYD: Earned Leaves ఇవ్వాలని డిమాండ్
పార్లమెంట్ ఎన్నికల్లో విధులు నిర్వహించిన ఉపాధ్యాయులకు సంపాదిత సెలవులు మంజూరు చేయాలని TS UTF నాయకులు విజ్ఞప్తి చేస్తున్నారు. జనగణనలో పాల్గొంటున్న ఉపాధ్యాయులకు రోజువారి లక్ష్యాలు కేటాయించి ఒత్తిడి తీసుకురావద్దని గురువారం కడ్తాల్ MEO సత్యనారాయణను వినతి పత్రంలో కోరారు. TS UTF నాయకులు గోపాల్ నాయక్, జంగయ్య, శంకర్, మల్లయ్య, విజయ్ కుమార్, నరసింహమూర్తి పాల్గొన్నారు. ఎర్న్డ్ లీవ్స్‌ డిమాండ్‌పై మీ కామెంట్?
News November 21, 2024
హైదరాబాద్ వస్తున్న MLC కారుకు ప్రమాదం
MLC నవీన్ కుమార్ రెడ్డి కారుకు షాద్‌నగర్‌లో ప్రమాదం జరిగింది. స్థానికుల వివరాలు.. బెంగళూరు హైవే మీదుగా హైదరాబాద్ వైపు వెళుతున్న కాన్వాయ్‌కు షాద్‌నగర్ మిలీనియం టౌన్షిప్ సమీపంలో స్కూటీ అడ్డు రావడంతో ఈ ప్రమాదం జరిగింది. ప్రమాదంలో మోటరిస్ట్‌కు గాయాలయ్యాయి. గాయపడిన వ్యక్తిని తన వాహనంలో MLC నవీన్ ఆస్పత్రికి తరలించారు. ఆయన సురక్షితంగా బయటపడ్డట్లు తెలుస్తోంది.
News November 21, 2024
HYD: రాష్ట్రపతి పర్యటన.. ట్రాఫిక్ ఆంక్షలు
HYD నగరంలో శుక్రవారం రాష్ట్రపతి పర్యటన ఉన్న నేపథ్యంలో ట్రాఫిక్ పోలీసులు ఆంక్షలు విధించారు. ఎన్ఐఏ నుంచి ఐకియా వరకు, కేబుల్ బ్రిడ్జి నుంచి మీనాక్షి వరకు, మాదాపూర్ నుంచి కొత్తగూడ మార్గాల్లో ట్రాఫిక్ ఆంక్షలు ఉంటాయని సైబరాబాద్ ట్రాఫిక్ పోలీసులు ఓ ప్రకటనలో తెలిపారు. రేపు ఉదయం 9 గంటల నుంచి మధ్యాహ్నం 12 గంటల వరకు ఈ ఆంక్షలు అమలులో ఉంటాయన్నారు. వాహనదారులు ప్రత్యామ్నాయ మార్గాలు చూసుకోవాలన్నారు.