News January 31, 2025
HYD: రామనామ పారాయణలు.. 108 చిన్నారుల రికార్డ్
శ్రీరామనామ పారాయణలు కనులవిందుగా ఒకపక్క సాగుతుండగా 108 మంది చిన్నారులు వేషధారణల్లో ప్రదర్శనలు రామ్లల్లా నామరూప వేషధారణ శీర్షికన ప్రదర్శనలతో వరల్డ్ బుక్ ఆఫ్ రికార్డ్స్, భారత్ వరల్డ్ రికార్డ్స్‌లో చోటు దక్కించుకున్నారు. రవీంద్రభారతి ప్రధాన మందిరంలో భక్తిపారవశ్యంతో శ్రీరామనామ స్మరణ కార్యక్రమం నేత్రపర్వంగా సాగింది. అతిథులుగా విచ్చేసిన ప్రముఖులు వారిని సత్కరించారు.
Similar News
News January 31, 2025
‘సేఫ్టీ అవేర్నెస్’ ప్రారంభించిన HYD ఇన్‌ఛార్జ్ మంత్రి
సామాజిక బాధ్యతగా ప్రతి ఒక్కరూ ట్రాఫిక్ నిబంధనలు పాటించాలని మంత్రి పొన్నం ప్రభాకర్ అన్నారు. HYDలోని హెచ్ఎండీఏ గ్రౌండ్స్ ఎన్టీఆర్ మార్గ్‌లో రోడ్ సేఫ్టీ అవేర్నెస్ కార్యక్రమానికి ఆయన హాజరై జెండా ఊపి కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ.. రహదారి భద్రత మనందరి బాధ్యత అని, ప్రతి ఒక్కరూ ట్రాఫిక్ నిబంధనలు పాటించి తమ ప్రాణాలతో పాటు ఇతరుల ప్రాణాలను రక్షించాలన్నారు.
News January 31, 2025
HYD: సీఎం ఏనాడు సెక్రటేరియట్‌కు వచ్చిందే లేదు: BRS
దేశంలో ప్యాలెస్ నుంచి పాలన చేస్తున్న ఏకైక సీఎం రేవంత్ రెడ్డి అని బీఆర్ఎస్ విమర్శించింది. ‘సీఎం రేవంత్ రెడ్డి ఏనాడు సెక్రటేరియట్‌కు వచ్చిందే లేదు, ఇక ప్రజలను కలవడం దేవుడెరుగు’ అంటూ Xలో ట్వీట్ చేసింది. సీఎం అధికారిక నివాసం కాదని, పాలనను గాలికొదిలేసి ప్యాలెస్ అడ్డాగా సెటిల్‌మెంట్లు, దందాలు చేస్తున్నారని విమర్శించింది. సీఎం వల్ల ప్రజలు ఇబ్బందులు పడుతున్నారని పేర్కొంది.
News January 31, 2025
రంగారెడ్డి జిల్లాలో కొనసాగుతున్న కనిష్ఠ ఉష్ణోగ్రతలు
రంగారెడ్డి జిల్లాలో కనిష్ఠ ఉష్ణోగ్రతలు కొనసాగుతున్నాయి. చందనవెల్లిలో 11.4°C, చుక్కాపూర్ 12.1, రెడ్డి పల్లె 12, రాజేంద్రనగర్, తాళ్లపల్లి, కాసులాబాద్ 12.9, ఎలిమినేడు 13, రచలూరు, కొందుర్గ్ 13.1, అమీర్పేట, కేతిరెడ్డిపల్లి, మంగళపల్లె 13.2, కందవాడ 13.3, హెచ్సీయూ, విమానాశ్రయం 13.4, తొమ్మిదిరేకుల 13.5, వైట్‌గోల్డ్ SS 13.6, కడ్తాల్, వెల్జాల 13.7, దండుమైలారం 13.8, మద్గుల్ 13.9, అరుట్లలో 14℃గా నమోదైంది.