News March 29, 2025
HYD: 10 రోజుల్లో ఎల్ఆర్ఎస్ అనుమతులు: HMDA
అర్హతలు పూర్తిచేసి, ఫీజులు సకాలంలో చెల్లించిన వారికి 10 రోజుల్లోనే ఎల్ఆర్ఎస్ అనుమతి పత్రాలు అందజేయనున్నట్లు HMDA కమిషనర్ సర్ఫరాజ్ అహ్మద్ తెలిపారు. సందేహాల నివృత్తికి ప్రత్యేక కాల్ సెంటర్ ఏర్పాటు చేసినట్టు వెల్లడించారు. ఈ నెల 31లోగా ఎల్ఆర్ఎస్ ఫీజుల్లో 25% రాయితీ అందుబాటులో ఉంటుందని చెప్పారు. అందరూ సద్వినియోగం చేసుకోవాలన్నారు.
Similar News
News November 30, 2025
ఖమ్మం: 20 ఏళ్లుగా ఎన్నికలకు నోచుకోని వార్డులు
ఏన్కూరు(M) నూకలంపాడు గ్రామ పంచాయతీలో విచిత్ర పరిస్థితి నెలకొంది. ఈ గ్రామంలో మొత్తం 8 వార్డులు ఉండగా, అందులో 4 వార్డులు STలకు రిజర్వ్ చేయబడ్డాయి. అయితే గ్రామంలో ఒక్క ST ఓటరు కూడా లేకపోవడంతో, ఈ 4 వార్డులు దాదాపు 2 దశాబ్దాలుగా ఎన్నికలకు దూరంగా ఉన్నాయి. ఈసారి జరగనున్న ఎన్నికల్లో కూడా ఈ వార్డులకు నామినేషన్లు వేసే అవకాశం లేదు. అలాగే సర్పంచి కూడా ST రిజర్వ్ కావడంతో ఉపసర్పంచే సర్పంచిగా వ్యవహరిస్తున్నారు.
News November 30, 2025
పార్వతీపురం: ‘ఎయిడ్స్ రహిత సమాజం మనందరి బాధ్యత’
ఎయిడ్స్ రహిత సమాజం మనందరి బాధ్యత అని జిల్లా వైద్యారోగ్యశాఖ అధికారి డా ఎస్. భాస్కరరావు పేర్కొన్నారు. ఈ మేరకు ఆదివారం స్థానిక కార్యాలయంలో సమావేశం ఏర్పాటు చేశారు. ఐసిటిసి కేంద్రాల్లో ఆరోగ్య కేంద్రాలు, ఆసుపత్రుల్లో హెచ్ఐవి నిర్ధారణ పరీక్షలు అందుబాటులో ఉన్నాయన్నారు. ప్రతీ గర్భిణికి హెచ్ఐవి పరీక్ష తప్పనిసరిగా చేయించాలన్నారు. మన ఆరోగ్య భద్రత మన చేతిలో ఉందని, సురక్షిత జీవన శైలి పద్ధతులు అవలంబించాలన్నారు.
News November 30, 2025
టెక్కలి: ఒకేరోజు ఏడుగురికి అస్వస్థత.. ఒకరు మృతి
టెక్కలి జిల్లా ఆసుపత్రిలో ఆదివారం సంతబొమ్మాళి మండలం తాళ్లవలస గ్రామానికి చెందిన ఏడుగురు డయేరియా లక్షణాలతో చేరారు. వీరిలో గ్రామానికి చెందిన మార్పు చిన్నారావు(65) ఆదివారం మధ్యాహ్నం చికిత్స పొందుతూ మృతిచెందారు. మిగతా వారికి చికిత్స అందిస్తున్నారు. మరింత సమాచారం తెలియాల్సి ఉంది.