News June 23, 2024
HYD: 138కు చేరనున్న ఇంజినీరింగ్ కళాశాలల సంఖ్య
HYD కూకట్‌పల్లి JNTU పరిధిలోని ఇంజినీరింగ్ కళాశాలల సంఖ్య 138కు చేరనుంది. ప్రస్తుతం వీటి సంఖ్య 139 ఉండగా గుర్తింపు పునరుద్ధరణలో భాగంగా ఈ విద్యా సంవత్సరం ఒక కళాశాల తొలగింపునకు యాజమాన్యం నుంచి వినతి అందింది. మల్లారెడ్డి కళాశాలల్లోని ఇనిస్టిట్యూట్ ఆఫ్ టెక్నాలజీ అండ్ సైన్స్ కాలేజీని.. మల్లారెడ్డి కాలేజ్ ఆఫ్ ఇంజినీరింగ్ అండ్ టెక్నాలజీలో విలీనం చేస్తున్నట్లు JNTUకు దరఖాస్తు చేసిందని అధికారులు తెలిపారు.
Similar News
News November 11, 2025
జూబ్లీహిల్స్: పెద్దల స్ఫూర్తితో ఓటేద్దాం పదండి..!
వారికి ఒంట్లో శక్తి లేదు.. అవయవాలు సరిగా పనిచేయవు.. అయినా ఓటు వేసే బాధ్యత మాత్రం మరవలేదు.. జూబ్లీహిల్స్‌లో 103 మంది వృద్ధులు హోం ఓటింగ్‌కు అప్లై చేయగా అందులో 101 మంది తమ ఓటు హక్కును వినియోగించుకున్నారు. మిగిలిన ఇద్దరు అంతకు ముందే చనిపోయారు. అంటే దాదాపు అందరూ ఓటేశారు. శరీరం సహకరించకపోయినా వాళ్లు ఓటేశారు. మరి మిగితా వారు వాళ్లు ఇచ్చిన స్ఫూర్తితో ఓటేసేందుకు కదిలిరండి.
> మీ ఓటు.. మీ బాధ్యత
News November 11, 2025
HYD: అనుమానాస్పద స్థితిలో యువకుడి ఆత్మహత్య
రాజేంద్రనగర్‌ హనుమాన్‌నగర్‌ ప్రాంతానికి ధనుష్‌ కుమార్‌(22) హౌస్‌ కీపింగ్‌ కార్మికుడిగా పని చేస్తున్నాడు. ఆదివారం ఆస్పత్రికి వెళ్లి వస్తానని తన ద్విచక్ర వాహనాన్ని తీసుకొని బయటికి వెళ్లాడు. కుమారుడు ఇంటికి రాకపోవడంతో కుటుంబ సభ్యులు ఆసుపత్రితోపాటు చుట్టు పక్కల వెతికారు. సోమవారం వాలంతరి ఏపీఈఆర్‌ఎల్‌ వెనుక చెట్టుకు ఉరేసుకొని కనిపించాడు. పోలీసులు కేసు నమోదు చేసి దర్యాప్తు చేస్తున్నారు.
News November 11, 2025
HYD: బైక్‌లపై వచ్చి ఇంటింటా ‘ఓటు కవర్‌’ డెలివరీ!
జూబ్లీహిల్స్ నియోజకవర్గంలో రేపు(మంగళవారం) బైపోల్ నేపథ్యంలో పలువురు అభ్యర్థులు వినూత్న మార్గాన్ని ఎంచుకున్నారు. పోలీసులు, ఎన్నికల అధికారుల నిఘా ఉన్నప్పటికీ, బైక్‌లపై కొందరు పేపర్‌ బాయ్‌ తరహాలో బస్తీల్లోని ప్రతి ఇంటి వద్దకు వచ్చి, డబ్బు, గుర్తుతో ఉన్న ఎన్వలప్ కవర్లను విసిరేసి పోతున్నారు. ఓటు కోసం విచ్చలవిడిగా డబ్బు, మద్యం పంపిణీని నియంత్రించేందుకు అధికార యంత్రాంగం చర్యలు ముమ్మరం చేసింది.