News November 2, 2024
HYD: NIMSలో పిల్లలకు ఉచితం
HYD NIMSలో బాలల దినోత్సవాన్ని పురస్కరించుకుని ప్లాస్టిక్ సర్జరీ విభాగం ఉచిత స్క్రీనింగ్‌ క్యాంపును నిర్వహిస్తోంది. శుక్రవారం ప్రారంభమైన ఈ క్యాంపు నవంబర్ 9వ తేదీ వరకు కొనసాగుతుంది. పిల్లలలో ఉన్న లోపాలను గుర్తించి, అవసరమైన వారికి సర్జరీలు చేయనున్నట్లు NIMS డైరెక్టర్ డా. నగరి బీరప్ప, ప్లాస్టిక్ సర్జరీ HOD డా.పార్వతి తెలిపారు. CMRF, LOC, ఆరోగ్య శ్రీ, PMRF కింద ఈ ఆపరేషన్లు చేయనున్నారు.
SHARE IT
Similar News
News November 30, 2025
HYD: మీ ఇంటి గోడపై మార్క్ ఉందా? GHMC తాజా రూల్!
గ్రేటర్ హైదరాబాద్ మున్సిపల్ కార్పొరేషన్ (GHMC) అధికారిక చెత్త సేకరణ సేవలను వినియోగించే ఇళ్ళు/అపార్ట్‌మెంట్‌లను గుర్తించడానికి వాటి గోడలపై ప్రత్యేక గుర్తులు వేసింది. ఈ అధికారిక కలెక్టర్ల ద్వారా తమ చెత్తను పారవేయని వారికి జరిమానాలు విధించబడతాయి. ట్రాకింగ్ విధానం పూర్తిగా స్పష్టంగా లేనప్పటికీ, పారిశుద్ధ్యాన్ని మెరుగుపరచడానికి GHMC తీసుకున్న ఈ నిర్ణయం మంచి ముందడుగుగా పరిగణించబడుతోంది.
News November 30, 2025
HYD: ఏడడుగుల బంధం ఏమైపోతోంది?
ఆలుమగల నడుమ అన్యోన్యం అటకెక్కుతోంది. మూడుముళ్ల బంధం ముక్కలువుతోంది. ఒడిదుడుకులు తట్టుకోవాల్సిన వారు ఒకరిపై ఒకరు కక్షలు పెంచుకుంటున్నారు. జీలకర్ర బెల్లంలా కలిసి ఉండాల్సిన వారు జీవితాలను నాశనం చేసుకుంటున్నారు. బోడుప్పల్‌లో ఆగస్టు 24న గర్భవతైన భార్యను భర్త ముక్కలు చేసి చంపేశాడు. తాజాగా ఇదే ప్రాంతంలో భర్తను కుమారుడు, మేనల్లుడితో కలిసి కడ తేర్చింది ఓ భార్య. వరుస ఘటనలు దంపతుల ప్రేమను దహించేస్తున్నాయి.
News November 30, 2025
HYD: కేటీఆర్ మాటలు జాగ్రత్త.. సహించేది లేదు: దయాకర్
ముఖ్యమంత్రిపై నోరు జారితే సహించేది లేదని, కేటీఆర్ మాటలు అదుపులో పెట్టుకోవాలని టీపీసీసీ జనరల్ సెక్రెటరీ చనగని దయాకర్ హెచ్చరించారు. కేటీఆర్‌కు లాగు లేనప్పుడే మహేష్ కుమార్ గౌడ్ రాజకీయాల్లో ఉన్నారని ఆయన వ్యాఖ్యానించారు. మహేష్ గౌడ్ 1984 నుండే రాజకీయాల్లో ఉండి, 30 ఏళ్లుగా కాంగ్రెస్ పార్టీకి నిబద్ధతగా పనిచేస్తున్నారని, కేటీఆర్ మాట్లాడే విధానం మార్చుకోవాలని సూచించారు.