News November 15, 2024
HYD: నెల నెలా పెరుగుతున్న మెట్రో ప్రయాణికుల సంఖ్య
HYD నగర మెట్రో ప్రయాణికుల సంఖ్య ప్రతి నెల నెల పెరుగుతూ వస్తోంది. జూలై నెలలో 1.44 కోట్ల మంది ప్రయాణించగా.. ఆగస్టులో 1.45 కోట్ల మంది ప్రయాణించినట్లు మెట్రో అధికారులు తెలిపారు. అది కాస్త అక్టోబర్ నాటికి 1.5 కోట్లకు దాటింది. ఈ నేపథ్యంలో మెట్రో అధికారులు లాస్ట్ మైలు కనెక్టివిటీపై స్పెషల్ ఫోకస్ పెట్టారు.
Similar News
News November 15, 2024
గచ్చిబౌలి: రోడ్డు ప్రమాదంలో మరణించింది వీరే..!
నిన్న రాత్రి 2 గంటల సమయంలో గచ్చిబౌలి విప్రో సర్కిల్ వద్ద వేగంగా బైక్ నడిపిన దేవ కుమార్ స్వామి(25), వెంకన్న స్వామి(30) డివైడర్‌ను ఢీకొని మృతిచెందిన సంగతి తెలిసిందే. తాజాగా పోలీసులు వారి ఫోటోలను విడుదల చేశారు. మరోవైపు మృతదేహాలను ఉస్మానియా ఆసుపత్రికి తరలించిన గచ్చిబౌలి పోలీసులు, కేసు నమోదు చేసి దర్యాప్తు చేస్తున్నారు.
News November 15, 2024
HYD: హౌస్ మోషన్ పిటిషన్‌ను తిరస్కరించిన హైకోర్టు
కొడంగల్ మాజీ MLA పట్నం నరేందర్ రెడ్డి హౌస్ మోషన్ పిటిషన్‌ను హైకోర్టు తిరస్కరించింది. పట్నం నరేందర్ రెడ్డిని ప్రత్యేక బ్యారక్‌లో ఉంచాలని దాఖలు చేసిన హౌస్ మోషన్ పిటిషన్‌ను హైకోర్టు రిజిస్ట్రీ తిరస్కరించింది. కాగా, లగచర్లలో కలెక్టర్‌పై జరిగిన దాడి ఘటనలో భాగంగా కొడంగల్ మాజీ ఎమ్మెల్యే పట్నం నరేందర్ రెడ్డి ప్రస్తుతం చర్లపల్లి జైల్లో ఉన్న విషయం తెలిసిందే.
News November 15, 2024
గోల్కొండ కోటలో ‘ఆకలి’
500 ఏళ్ల నాటి గోల్కొండ కోటను చూడటానికి వెళితే ఆకలితో అలమటించాల్సిందే. ఎంతో ఆశతో కోటను చూడటానికి వెళ్లిన పర్యాటకులకు అక్కడ తినడానికి ఏమీ దొరకదు. కోట లోపల కేవలం ఐస్ క్రీమ్స్, వాటర్ బాటిల్స్ మాత్రమే అందుబాటులో ఉంటాయి. బయటి నుంచి ఆహారం తీసుకెళ్లేందుకు కూడా అనుమతి లేదు. కోట చుట్టూ తిరగడానికి కనీసం నాలుగు గంటలు పడుతుంది. అధికారులు ఇప్పటికైనా ఈ విషయం గురించి ఆలోచించాలని పర్యాటకులు కోరుతున్నారు.