News September 14, 2024
HYD: భార్య సహకారంతో అత్యాచారం.. ఆపై హత్య
భార్య సహకారంతో భర్త అత్యాచారం చేసి క్రూరంగా హింసించి హత్య చేసిన కేసుల్లో కోర్టు తీర్పునిచ్చింది. VKB జిల్లా పెద్దేముల్‌‌కు చెందిన భార్యభర్తలు కురువ స్వామి, నర్సమ్మ సంగారెడ్డిలో స్థిరపడ్డారు. కూలీ ఇప్పిస్తామని చెప్పి శివారు ప్రాంతానికి తీసుకెళ్లి మహిళలపై హత్యాచారం, దోపిడీకి పాల్పడ్డారు. ఈ ఘటనల్లో రంగారెడ్డి కోర్టు భర్తకు 10ఏళ్లు, భార్యకు 7ఏళ్లు, ఇదే తరహా కేసులో మరో ఏడాది జైలుశిక్ష విధించింది.
Similar News
News November 25, 2024
HYD: 3.5 లక్షల కుటుంబాలు ఉచిత తాగునీటికి దూరం
GHMC పరిధిలో మూడేళ్ల క్రితం ప్రారంభించిన ఉచిత తాగునీరు పథకం ఇంకా అర్హులకు పూర్తిగా అందడం లేదు. అర్హులైన ప్రతి కుటుంబానికి నెలకు 20వేల లీటర్ల తాగునీటిని జలమండలి సరఫరా చేస్తోంది. నగరంలో 9,73,873 అర్హులైన కుటుంబాలు ఉండగా ఇప్పటివరకు 6,14,497 కుటుంబాలు ఈ పథకాన్ని ఉపయోగించుకుంటున్నాయి. ఇంకా 3,59,376 కుటుంబాలకు ఉచిత తాగునీరు అందటం లేదు. అర్హులైన వారు దరఖాస్తు చేసుకోవాలని అధికారులు చెబుతున్నారు.
News November 25, 2024
HYD: డ్రంక్ అండ్ డ్రైవ్ తనిఖీల్లో వారే అధికం.!
హైదరాబాద్‌లో జరిగిన డ్రంక్ అండ్ డ్రైవ్ తనిఖీల్లో 21 నుంచి 40 ఏళ్ల వయసు ఉన్నవారే 70 శాతానికి పైగా ఉండడం గమనార్హం. వీరిలో బ్లడ్ ఆల్కహాల్ కౌంట్ సైతం ప్రతి 100 మిల్లీలీటర్ల రక్తంలో 51-150 మిల్లీగ్రాములు ఆల్కహాల్ ఉన్నట్లుగా తేలింది. మద్యం తాగి ఎట్టి పరిస్థితుల్లో వాహనాలు నడపోద్దని, ఒకవేళ నడిపితే కటకటాల్లోకి వెళ్తారని పోలీసులు హెచ్చరించారు.
News November 25, 2024
గ్రేటర్ పరిధిలో మిగిలింది 25 % కుటుంబాలే..
గ్రేటర్ HYDలో ఎన్యుమరేటర్లు సమగ్ర కుటుంబ సర్వేను వేగవంతం చేశారు. ఇప్పటికే దాదాపు 75% సర్వే పూర్తయింది. 18,26,524 కుటుంబాలకు సంబంధించి వివరాలు సేకరించారు. వీలైనంత త్వరగా మిగిలిన 25% ఇళ్లల్లో సర్వే పూర్తి చేసి ఉన్నతాధికారులకు సమర్పిస్తామని జీహెచ్ఎంసీ అధికారులు తెలిపారు. సర్వేలో ఎలాంటి తప్పులు రాకుండా తగిన జాగ్రత్తలు తీసుకుంటున్నామన్నారు.