News April 8, 2024
HYD: మాదిగలను విస్మరించిన కాంగ్రెస్: మంద కృష్ణ మాదిగ
లోక్‌సభ ఎన్నికల్లో పోటీకి టికెట్ కేటాయింపుల్లో మాదిగలను కాంగ్రెస్ పార్టీ పూర్తిగా విస్మరించిందని ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ ఒక ప్రకటనలో ఆరోపించారు. తెలంగాణలో అసలు మాదిగలు లేనట్లుగా భావించి.. పూర్తిగా మాదిగలకు అన్యాయం చేసిన పార్టీ కాంగ్రెస్ అని ఆగ్రహం వ్యక్తం చేశారు. తెలంగాణలో బీజేపీ ఇప్పటికే రెండు స్థానాల్లో మాదిగలకు టికెట్లు కేటాయించిందని మందకృష్ణ మాదిగ పేర్కొన్నారు.
Similar News
News November 25, 2024
HYD: సైకిళ్లపై రాచకొండ పోలీసుల పెట్రోలింగ్..!
రాచకొండ పోలీస్ కమిషనరేట్ పరిధిలో పోలీసులు సైకిళ్లపై పెట్రోలింగ్ నిర్వహిస్తున్నారు. చర్లపల్లి, ఉప్పల్, కందుకూరు, ఎల్బీనగర్ సహా అన్ని పోలీస్ స్టేషన్ల పరిధిలో సైకిళ్లపై వెళ్లి ప్రజలు, యువతను కలిసి యాంటీ డ్రగ్స్, సైబర్ నేరాలు, డయల్ 100, ఉమెన్ సేఫ్టీ, సోషల్ మీడియాలో మోసాలపై వివరిస్తున్నారు. మహిళా పోలీసులు సైతం ఈ కార్యక్రమాల్లో చురుకుగా పాల్గొన్నారు.
News November 25, 2024
HYD: తెలుగులో భారత రాజ్యాంగం
HYDలోని రెడ్ హిల్స్ వద్ద ఉన్న సూరన ఆడిటోరియంలో భారత రాజ్యాంగ తెలుగు అనువాద పుస్తకావిష్కరణ ప్రోగ్రాం జరిగింది. ఈ కార్యక్రమానికి DSP చీఫ్ డాక్టర్ విశారదన్ మహారాజ్ పాల్గొని ప్రసంగించారు. రాజ్యాంగ స్ఫూర్తిని అణువణువునా నింపుకొని, భారత పౌరులు పోరాటం చేయాల్సిన అవసరం ఉందని ఆయన అభిప్రాయపడ్డారు.
News November 25, 2024
HYD: లోక్‌మంథన్ ఫెస్టివల్ ఘనంగా ముగింపు
శిల్పకళ వేదికలో లోక్‌మంథన్ ఫెస్టివల్ ముగింపు కార్యక్రమంలో ఆర్ఎస్ఎస్ చీఫ్ మోహన్ భగవత్ పాల్గొనడం చాలా సంతోషంగా ఉందన్నారు. ఆయన మాట్లాడుతూ.. వనవాసి గ్రామవాసి, నగరవాసి అందరూ భారతీయులే అని తెలిపారు. దేశ సంస్కృతి ఉట్టిపడేలా కళాకారులు ప్రదర్శించారని చెప్పారు. దేశంలో స్వార్థం ఎక్కువగా ఉందన్నారు. ఈ కార్యక్రమంలో కేంద్ర మంత్రులు నిర్మల సీతారామన్, కిషన్‌రెడ్డి, గజేంద్ర శెఖావత్ పాల్గొన్నారు.