News March 26, 2024
HYD: లైంగికంగా వేధిస్తున్నాడని కత్తితో పొడిచాడు..!
లైంగిక వేధింపులు తాళలేక ఓ యువకుడు ఓ వ్యక్తిపై హత్యాయత్నానికి పాల్పడిన ఘటన HYD ఘట్‌కేసర్ పరిధిలో జరిగింది. CI తెలిపిన వివరాలు.. జనగామ వాసి భీమానాయక్‌తో బిహార్ వాసి మితేశ్‌కు పరిచయం ఏర్పడింది. పని ఇప్పిస్తానని, తన దగ్గరకు రావాలని భీమానాయక్ మితేశ్‌ను లైంగికంగా వేధిస్తున్నాడు. కోపం పెంచుకున్న మితేశ్ అతడిని కొండాపూర్‌కు పిలిచి, మద్యం తాగిన అనంతరం కత్తితో దాడి చేశాడు. మితేశ్‌ను పోలీసులు అరెస్ట్ చేశారు.
Similar News
News January 10, 2025
శిల్పారామంలో ఆకట్టుకుంటున్న హస్తకళ ఉత్పత్తులు
మాదాపూర్లోని శిల్పారామంలో నిర్వహిస్తున్న గాంధీ శిల్ప బజార్, సంక్రాంతి సంబరాల సందర్భంగా.. డెవలప్మెంట్ అఫ్ హ్యాండీక్రాఫ్ట్స్ కమిషనర్ ఏర్పాటు చేసిన హస్తకళ ఉత్పత్తులు ఎంతగానో ఆకట్టుకుంటున్నాయి. నిర్వాహకులు మట్టి బొమ్మలు, పాత్రలు, కొండపల్లి బొమ్మలు, గుజరాతి బ్యాగులు, పాలరాయి బొమ్మలు, వెదురు బుట్టలు, పెయింటింగ్స్ హస్తకళ ఉత్పత్తులను అందుబాటులో ఉంచారు. స్టాళ్ల వద్ద సందర్శకుల సందడి నెలకొంది.
News January 10, 2025
సికింద్రాబాద్: సంక్రాంతి ఫెస్టివల్.. స్పెషల్ క్యాంపెయిన్
సంక్రాంతి ఫెస్టివల్ పురస్కరించుకొని సికింద్రాబాద్ జేబీఎస్ మెట్రో స్టేషన్ వద్ద మెట్రో ఎండీ ఎన్విఎస్ రెడ్డి స్పెషల్ క్యాంపెయిన్ ప్రారంభించారు. 3 రోజులపాటు జరగనున్న ‘యువర్ టైం ఆన్ మై మెట్రో’ ప్రోగ్రాంలో సంక్రాంతి వేడుకలు ఉట్టిపడేలా తీర్చిదిద్దిన రైలుకు పచ్చ జెండా ఊపారు. రాష్ట్ర సాంస్కృతి, కళలు కంటి ముందు కనపడేలా మెట్రో క్యాంపెయిన్ జరుగునుంది.
News January 10, 2025
ఓయూ అధ్యాపకుల ప్రమోషన్లకు నోటిఫికేషన్ విడుదల
ఉస్మానియా యూనివర్సిటీ అధ్యాపకులకు కెరీర్ అడ్వాన్స్మెంట్ స్కీమ్ (సీఏఎస్) కింద పదోన్నతులు కల్పించేందుకు అధికారులు నోటిఫికేషన్ విడుదల చేశారు. అర్హత ఉన్న అధ్యాపకులు ఈ నెల 25వ తేదీలోగా సంబంధిత ధ్రువపత్రాలతో కలిసి దరఖాస్తు చేసుకోవాలని సూచించారు. దీంతో అసిస్టెంట్ ప్రొఫెసర్లు అసోసియేట్ ప్రొఫెసర్లుగా, అసోసియేట్ ప్రొఫెసర్లు సీనియర్ ప్రొఫెసర్లుగా పదోన్నతి పొందేందుకు అవకాశం ఉంటుంది.