News November 4, 2024
హిమాయత్ సాగర్‌పై హైడ్రా ఫోకస్?
హైదరాబాద్‌కు నీళ్లు అందించే వనరుల్లో ఒకటైన హిమాయత్ సాగర్‌పై హైడ్రా దృష్టి పెట్టినట్లు తెలుస్తోంది. నేషనల్ రిమోట్ సెన్సింగ్ ఏజన్సీ, సర్వే ఆఫ్ ఇండియా రికార్డుల ఆధారంగా FTL, బఫర్ జోన్‌లను గుర్తించనున్నట్లు సమాచారం. రెండో విడతగా ORR పరిధిలోని 549 చెరువులపై అధికారులు ఫోకస్ చేస్తున్నారు. ప్రతి చెరువు హద్దులు గుర్తించి జియో ట్యాగింగ్ చేయబోతున్నారు.
Similar News
News November 30, 2025
NZB: రెండో దశ తొలి రోజు 270 నామినేషన్లు
NZB జిల్లాలో రెండో విడతలో జరగనున్న 8 మండలాల్లో తొలి రోజైన ఆదివారం 196 సర్పంచి స్థానాలకు 122, 1760 వార్డు స్థానాలకు 148 నామినేషన్లు దాఖలు అయ్యాయని అధికారులు తెలిపారు. రెండో విడతలో NZB డివిజన్‌లోని ధర్పల్లి, డిచ్‌పల్లి, ఇందల్వాయి, మాక్లూర్, మోపాల్, నిజామాబాద్, సిరికొండ మండలాలతో పాటు ఆర్మూర్ డివిజన్‌లోని జక్రాన్ పల్లి మండలాల పరిధిలో ఎన్నికలు జరగనున్న సంగతి తెలిసిందే.
News November 30, 2025
ఇండియన్ల వల్ల అమెరికా లబ్ధి పొందింది: మస్క్
ప్రతిభావంతులైన ఇండియన్ల నుంచి US ఎంతో ప్రయోజనం పొందిందని టెస్లా అధినేత ఎలాన్ మస్క్ అన్నారు. జెరోధా కోఫౌండర్ నిఖిల్ కామత్ పాడ్‌కాస్ట్‌లో ఆయన మాట్లాడారు. విదేశీయులు తమ జాబ్స్ దోచుకుంటున్నారని కొందరు అమెరికన్లు భావించడం ఎంతవరకు నిజమో తనకు తెలియదన్నారు. ‘ప్రతిభావంతుల కొరత ఎప్పుడూ ఉంటుంది. కష్టమైన పనులు చేసేందుకు వాళ్లు ఉండాలి’ అని తెలిపారు. H-1B ప్రోగ్రామ్‌లో కొంత దుర్వినియోగం జరిగిందని చెప్పారు.
News November 30, 2025
ALERT.. రేపు అతిభారీ వర్షాలు
AP: రాష్ట్రంలో రేపు నెల్లూరు, తిరుపతిలో భారీ నుంచి అతిభారీ వర్షాలు కురుస్తాయని APSDMA ఎండీ ప్రఖర్ జైన్ తెలిపారు. కోనసీమ, ప.గో., కృష్ణా, గుంటూరు, బాపట్ల, పల్నాడు, ప్రకాశం, కడప, అన్నమయ్య, చిత్తూరు జిల్లాల్లో మోస్తరు నుంచి భారీ వర్షాలు పడతాయన్నారు. అటు కాకినాడ, తూ.గో., ఏలూరు, NTR, కర్నూలు, నంద్యాల, శ్రీసత్యసాయి, అనంతపురంలో తేలికపాటి నుంచి మోస్తరు వర్షాలు కురిసే ఛాన్స్ ఉంది’ అని పేర్కొన్నారు.