News January 26, 2025
కుటుంబానికి పదవులు ఇచ్చి దోచే వ్యక్తిని కాదు: రేవంత్
TG: కొడంగల్(ని) చంద్రవంచ బహిరంగ సభలో KCR టార్గెట్గా CM రేవంత్ రెడ్డి ప్రసంగించారు. KCR కుటుంబంలా తమ ఇంట్లో అందరూ పదవులు పొందలేదని చెప్పారు. కుమారుడు, కుమార్తె, అల్లుడు, బంధువులకు KCR పదవులు ఇచ్చారని, కుమార్తె MP ఎన్నికల్లో ఓడిపోతే వెంటనే MLC చేశారని వెల్లడించారు. ఇలా బంధువులందరికీ పదవులు ఇస్తే మంచిదా? అని ప్రశ్నించారు. కుటుంబానికి పదవులు ఇచ్చి దోపిడీ చేసే వ్యక్తిని తాను కాదని CM స్పష్టం చేశారు.
Similar News
News January 7, 2026
రేపు అంతరిక్షంలోకి నాసా వ్యోమగాములు
ఈ ఏడాది తొలి స్పేస్ వాక్ కోసం ISS బృందం సిద్ధమైంది. నాసా వ్యోమగాములు మైక్ ఫిన్కే, జెనా కార్డ్మ్యాన్ రేపు సాయంత్రం 6.30 గంటలకు అంతరిక్ష కేంద్రం వెలుపలికి రానున్నారు. సుమారు ఆరున్నర గంటల పాటు సాగే ఈ ప్రక్రియలో వారు కొత్త సోలార్ ప్యానెల్స్ అమరికకు అవసరమైన కిట్లను ఇన్స్టాల్ చేస్తారు. అలాగే అంతరిక్షంలో సూక్ష్మజీవుల నమూనాలను సేకరించడం వంటి పనులు చేస్తారు.
News January 7, 2026
రాయలసీమ లిఫ్ట్ అంటూ అడ్డగోలుగా పనులు చేశారు: CBN
AP: అనుమతులు లేనందునే రాయలసీమ లిఫ్ట్ను NGT నిలిపేసిందని CM CBN స్పష్టం చేశారు. ‘రూ.3,528 కోట్లతో దీన్ని చేపట్టారు. రూ.2,500 కోట్లు ఖర్చుచేశారు. అడ్డగోలుగా పనిచేశారు. కాంట్రాక్టరుకే రూ.900 కోట్లిచ్చారు. ముచ్చుమర్రి నుంచి నీటి తరలింపు అవకాశమున్నా దీన్ని చేపట్టారు. NGT జరిమానా వేసింది’ అని పేర్కొన్నారు. అబద్ధం వందసార్లు చెబితే నిజమైపోదని, తనపై బురదచల్లితే వారికే నష్టం అని అన్నారు.
News January 7, 2026
ఇతిహాసాలు క్విజ్ – 120 సమాధానం
ప్రశ్న: వాలికి ఉన్న విచిత్రమైన వరం ఏమిటి?
సమాధానం: కిష్కింధాధిపతి అయిన వాలితో ఎవరైనా నేరుగా ముఖాముఖి యుద్ధానికి దిగితే, ఆ శత్రువు బలంలో సగం బలం(50%) వెంటనే వాలికి సంక్రమిస్తుంది. దీనివల్ల ఎదుటివాడు బలహీనపడగా, వాలి రెట్టింపు బలంతో శక్తివంతుడవుతాడు. ఈ వరం కారణంగానే వాలికి ఎదురుగా వెళ్తే చంపడం అసాధ్యమని భావించి రాముడు చెట్టు చాటు నుంచి బాణాన్ని ప్రయోగించి వాలిని సంహరించాడు.
<<-se>>#Ithihasaluquiz<<>>