News July 9, 2024

నేను ఈవీఎంను పగలకొట్టలేదు: పిన్నెల్లి

image

AP: పోలింగ్ రోజున తాను అసలు పాల్వాయిగేటు పోలింగ్ కేంద్రానికి వెళ్లలేదని మాచర్ల మాజీ MLA పిన్నెల్లి పోలీసు కస్టడీలో చెప్పినట్లు తెలుస్తోంది. ‘నేను అసలు అక్కడికి వెళ్లలేదు. ఈవీఎం పగలకొట్టలేదు. నంబూరి శేషగిరిరావు ఎవరో కూడా నాకు తెలీదు. ఆరోజు నా వెంట గన్‌మెన్లూ లేరు’ అని ఆయన సమాధానమిచ్చినట్లు సమాచారం. మొత్తం 50 ప్రశ్నలు అడగ్గా.. వాటిలో 30 ప్రశ్నలకు తెలీదనే చెప్పారని అధికార వర్గాలు పేర్కొన్నాయి.

Similar News

News November 29, 2025

బాలయ్య రోల్‌లో విజయ్ సేతుపతి!

image

రజినీకాంత్ ‘జైలర్-2’ సినిమాలో గెస్ట్ రోల్ కోసం మొదట బాలకృష్ణను తీసుకోవాలని అనుకున్నట్లు వార్తలు వచ్చిన విషయం తెలిసిందే. అయితే తాజాగా బిజీ షెడ్యూల్ కారణంగా బాలయ్య ప్రాజెక్ట్‌ నుంచి తప్పుకున్నట్లు తెలుస్తోంది. ఆయన ప్లేస్‌లో తమిళ స్టార్ నటుడు విజయ్ సేతుపతి చేస్తున్నారని, ఇప్పటికే షూటింగ్‌లో కూడా పాల్గొన్నారని సమాచారం. నెల్సన్ దిలీప్‌కుమార్ తెరకెక్కిస్తున్న ఈ మూవీ 2026 సమ్మర్‌లో విడుదల కానుంది.

News November 29, 2025

PHOTO: సిద్ద-శివ బ్రేక్‌ఫాస్ట్ మీట్

image

కర్ణాటకలో సీఎం మార్పు ప్రచారం వేళ సిద్దరామయ్య, డీకే శివకుమార్ కలిసి బ్రేక్‌ఫాస్ట్ చేశారు. సిద్ద ఆహ్వానం మేరకు శివకుమార్ ఆయన నివాసానికి వెళ్లారు. సీఎం, డిప్యూటీ సీఎం ఏం మాట్లాడుకున్నారనేది తెలియాల్సి ఉంది. సీఎం కుర్చీపై వారిద్దరే తేల్చుకోవాలంటూ కాంగ్రెస్ అధిష్ఠానం స్పష్టం చేసింది. దీంతో ఈ భేటీ ప్రాధాన్యం సంతరించుకుంది. కుర్చీ వదులుకోవడానికి సిద్ద అంగీకరిస్తారా? లేదా అన్నది ఉత్కంఠగా మారింది.

News November 29, 2025

TG TET.. ఇవాళ ఒక్క రోజే ఛాన్స్

image

తెలంగాణ టీచర్ ఎలిజిబిలిటీ టెస్ట్ (TG TET) దరఖాస్తుల గడువు నేటితో ముగియనుంది. అభ్యర్థులు <>https://tgtet.aptonline.in/tgtet/<<>> సైట్‌లో రా.11.50లోగా అప్లై చేసుకోవచ్చు. ఇన్ సర్వీస్ టీచర్లూ దరఖాస్తు చేస్తుండటంతో గతంతో పోలిస్తే అప్లికేషన్ల సంఖ్య పెరిగినట్లు తెలుస్తోంది. అటు దరఖాస్తుల సవరణకు డిసెంబర్ 1 వరకు అవకాశం కల్పించారు. రెండు సార్లు మాత్రమే ఎడిట్ ఆప్షన్ ఉపయోగించుకోవచ్చని సైట్‌లో పేర్కొన్నారు.