News October 17, 2024
తల్లిదండ్రుల కోసమే ఆ సినిమా చేశాను: షారుఖ్
2003లో రిలీజైన ‘దేవదాస్’ సినిమా షారుఖ్ ఖాన్ కెరీర్లో ఓ లాండ్ మార్క్ మూవీగా నిలిచింది. అయితే ఆ సినిమాలో తాను నటించాలనుకోలేదని ఓ ఇంటర్వ్యూలో ఆయన తెలిపారు. ‘నా కెరీర్లో అప్పటి వరకు భారీతనంతో కూడిన సినిమా లేదు. స్వర్గంలో ఉన్న నా తల్లిదండ్రులు నన్ను చూస్తుంటారని నా నమ్మకం. వారు పైనుంచి నన్ను చూసి గర్వపడేలా చేయాలనుకున్నాను. అందుకే సన్నిహితులు వద్దన్నా ఆ సినిమా ఒప్పుకొన్నాను’ అని వివరించారు.
Similar News
News October 17, 2024
థాంక్యూ పవన్ కళ్యాణ్: పన్నీర్ సెల్వం
AIADMK వ్యవస్థాపక దినోత్సవం సందర్భంగా పవన్ కళ్యాణ్ వరస ట్వీట్లలో ఆ పార్టీకి శుభాకాంక్షలు తెలిపిన సంగతి తెలిసిందే. ఆ విషెస్పై ఆ పార్టీ కో-ఆర్డినేటర్ పన్నీర్ సెల్వం స్పందించారు. ‘డియర్ పవన్ కళ్యాణ్, AIADMK 53వ వ్యవస్థాపక దినోత్సవం సందర్భంగా మీరు విష్ చేసినందుకు ధన్యవాదాలు’ అని ట్వీట్ చేశారు. సనాతన ధర్మం విషయంలో డీఎంకేతో విభేదాల నేపథ్యంలో పవన్ AIADMKకి విషెస్ చెప్పడం ఆసక్తికరం.
News October 17, 2024
ఇజ్రాయెల్ దాడిలో హమాస్ చీఫ్ హతం!
హమాస్తో యుద్ధంలో ఇజ్రాయెల్ మరోసారి పైచేయి సాధించింది. హమాస్ చీఫ్ యాహ్య సిన్వర్ను మట్టుబెట్టినట్లు తెలుస్తోంది. గాజాలో ఆ దేశ మిలిటరీ ముగ్గురిని హతమార్చింది. ఇందులో సిన్వర్ కూడా ఉన్నట్లు అనుమానిస్తోంది. అయితే ఇంకా నిర్ధారించాల్సి ఉందని IDF తెలిపింది. గతేడాది OCT 7న ఇజ్రాయెల్పై తొలిసారి దాడిలో మాస్టర్ మైండ్ సిన్వర్దే. సిన్వర్ కంటే ముందు హమాస్ చీఫ్ హనియాను కూడా ఇజ్రాయెల్ ఎలిమినేట్ చేసింది.
News October 17, 2024
కేంద్రానికి రైతు సంఘాల హెచ్చరిక
ఢిల్లీ రైతు ఉద్యమానికి నాలుగేళ్లు పూర్తవుతున్న నేపథ్యంలో సంయుక్త్ కిసాన్ మోర్చా మరో సారి ర్యాలీలకు పిలుపునిచ్చింది. నవంబర్ 26న దేశంలోని 500 జిల్లాల్లో హెచ్చరిక ర్యాలీలు చేపడుతామని తెలిపింది. తమ డిమాండ్లను పరిష్కరించకపోతే వచ్చే ఏడాది మరో ఉద్యమం తప్పదని హెచ్చరించింది.