News December 21, 2024
నేను తండ్రి పేరు చెప్పుకొని ఇక్కడికి రాలేదు: CM రేవంత్
TG: తాను తండ్రి పేరు చెప్పుకొని ఇక్కడికి రాలేదని, జిల్లా స్థాయి నుంచి సీఎం స్థాయికి ఎదిగానని రేవంత్ రెడ్డి అన్నారు. ‘రీజినల్ రింగ్ రోడ్, ఫ్యూచర్ సిటీ, మెట్రో విస్తరణ చేపట్టాలా? వద్దా?. కొడంగల్‌లో 1300 ఎకరాల భూసేకరణ చేసి, అక్కడి యువతకు ఉపాధి కల్పించాలనుకుంటే అడ్డుకుంటున్నారు. నేను పులులు తిరిగే ప్రాంతం నుంచి వచ్చాను’ అని రేవంత్ అన్నారు. అటు, GHMC సవరణ బిల్లుకు అసెంబ్లీ ఆమోదం తెలిపింది.
Similar News
News November 29, 2025
బిర్యానీ ₹150.. సమోసా ₹10: స్థానిక ఎన్నికల్లో ధరలు ఖరారు
TG: స్థానిక ఎన్నికల ప్రచారంలో అభ్యర్థులు చేసే ఖర్చుకు సంబంధించి పలు వస్తువుల ధరలను SEC విడుదల చేసింది. సమోసా ₹10, టీ ₹5, కాఫీ ₹10, బిర్యానీ ₹150గా నిర్ణయించింది. వాహనాలు, కండువాలు, ప్లెక్సీలు తదితర వస్తువులకూ ధరలను ప్రకటించింది. దీని ప్రకారం ప్రచారంలో వినియోగించిన వస్తువుల ఖర్చును లెక్కిస్తారు. అభ్యర్థులు తమ ఖర్చు లెక్కల్లో వీటిని చూపించాలి. లేకుంటే వ్యయ పరిశీలకులే ఈ ఖర్చును లెక్కలో వేస్తారు.
News November 29, 2025
ఐపీఎల్‌కు స్టార్ ప్లేయర్ గుడ్ బై
స్టార్ ప్లేయర్ డుప్లెసిస్ IPLకు వీడ్కోలు పలికారు. 14 సీజన్ల తర్వాత ఈ ఏడాది వేలంలో పాల్గొనట్లేదని పోస్ట్ చేశారు. తన ప్రయాణంలో మద్దతుగా నిలిచిన ప్రతీ కోచ్, తోటి ప్లేయర్లు, సపోర్ట్ స్టాఫ్, ఫ్యాన్స్‌కు ధన్యవాదాలు తెలియజేశారు. వచ్చే PSL సీజన్‌లో ఆడనున్నట్లు పేర్కొన్నారు. డుప్లెసిస్ IPL కెరీర్‌లో సీఎస్కే, పుణే(RPS), RCB, ఢిల్లీ జట్లకు ప్రాతినిధ్యం వహించగా 154 మ్యాచుల్లో 4,773 పరుగులు చేశారు.
News November 29, 2025
ప్రీ-ఐపీఓ ఉచ్చు.. జెరోదా ఫౌండర్ హెచ్చరిక
ఐపీఓ మార్కెట్ పెరుగుతున్న నేపథ్యంలో జెరోదా ఫౌండర్ నితిన్ కామత్ పెట్టుబడిదారులు జాగ్రత్తగా ఉండాలని హెచ్చరిస్తున్నారు. 100-500% అధిక ధరలకు షేర్లు అమ్ముడవుతున్నాయని చాలామంది అర్థం లేకుండా కొనేస్తున్నారని చెప్పారు. కొన్ని సందర్భాల్లో IPO ధర ప్రీ-ఐపీఓ ధర కంటే తక్కువగా ఉండటం వల్ల పెట్టుబడిదారులు నష్టపోయారని తెలిపారు. పారదర్శకత, లిక్విడిటీ తక్కువగా ఉండే షేర్లతో జాగ్రత్తగా ఉండాలని సూచించారు.