News June 10, 2024
కేంద్ర మంత్రి పదవి నాకు వద్దు : సురేశ్ గోపి
కేంద్ర కేబినెట్‌లో చోటు దక్కించుకునేందుకు ఎంపీలు ఆశ పడుతుంటారు. కానీ, కొందరికే అవకాశం దక్కుతుంది. అయితే, ఎంపీ సురేశ్ గోపి మాత్రం కేంద్ర మంత్రిగా ప్రమాణం చేశాక.. తనకు ఈ పదవిపై ఇంట్రెస్ట్ లేదంటున్నారు. ‘కేంద్ర మంత్రి పదవిపై నాకు ఆసక్తి లేదు. ఎంపీగా నేను బాగా రాణిస్తా. సినిమాల్లో నటించడాన్ని కొనసాగిస్తా. ఇదే విషయాన్ని పార్టీకి తెలిపా.. త్వరలో నాకు ఉపశమనం లభించవచ్చు’ అని ఆయన చెప్పారు.
Similar News
News December 23, 2024
శ్రీరామ్ టాలెంట్‌ను 2004లోనే గుర్తించిన ZOHO సీఈవో
ఇండో అమెరికన్ శ్రీరామ్ కృష్ణన్‌ను AIపై వైట్‌హౌస్ సీనియర్ సలహాదారుగా <<14956777>>నియమించడంపై<<>> ZOHO CEO శ్రీధర్ హర్షం వ్యక్తం చేశారు. ‘2004లో శ్రీరామ్ SRM యూనివర్సిటీ నుంచి గ్రాడ్యుయేట్ అయినప్పుడు అతనిని రిక్రూట్ చేయాలనుకున్నా. కానీ అప్పటికే మైక్రోసాఫ్ట్ తీసేసుకుంది. తర్వాత సిలికాన్ వ్యాలీకి వెళ్లి వ్యాపారవేత్తగా మారారు. ట్రంప్ తన సాంకేతిక బృందానికి గొప్ప ప్రతిభను యాడ్ చేశారు’ అని Xలో రాసుకొచ్చారు.
News December 23, 2024
రేపు ఈ జిల్లాల్లో భారీ వర్షాలు
ఏపీలో చాలా జిల్లాల్లో రేపు మోస్తరు నుంచి భారీ వర్షాలు కురుస్తాయని APSDMA తెలిపింది. శ్రీకాకుళం, విజయనగరం, మన్యం, అల్లూరి, విశాఖ, అనకాపల్లి, కాకినాడ, కోనసీమ, తూ.గో, ప.గో, కృష్ణా, ఎన్టీఆర్, గుంటూరు, బాపట్ల, పల్నాడు, ప్రకాశం, నెల్లూరు జిల్లాల్లో వానలు పడతాయని పేర్కొంది. వైఎస్సార్, అన్నమయ్య, చిత్తూరు, తిరుపతి జిల్లాల్లో తేలికపాటి వర్షాలుంటాయని వెల్లడించింది.
News December 23, 2024
‘పుష్ప-2’ సన్నివేశంపై కాంగ్రెస్ ఎమ్మెల్సీ ఫిర్యాదు
‘పుష్ప-2’ సినిమా పోలీసులను కించపరిచే విధంగా ఉందని ఎమ్మెల్సీ తీన్మార్ మల్లన్న ఆగ్రహం వ్యక్తం చేశారు. సినిమాలోని స్విమ్మింగ్ పూల్ సన్నివేశం అభ్యంతరకరంగా ఉందని మేడిపల్లి పోలీస్ స్టేషన్లో ఫిర్యాదు చేశారు. డైరెక్టర్ సుకుమార్, హీరో అల్లు అర్జున్, నిర్మాతలపై చర్యలు తీసుకోవాలని కోరారు. అంతకుముందు తొక్కిసలాట ఘటన బాధిత కుటుంబానికి ‘పుష్ప-2’ వసూళ్లలో 10శాతం ఇవ్వాలని డిమాండ్ చేసిన సంగతి తెలిసిందే.