News July 9, 2024

ఆ లిక్కర్ పార్టీతో నాకు సంబంధం లేదు: కర్ణాటక ఎంపీ

కర్ణాటకలోని చిక్‌బల్లాపూర్ బీజేపీ ఎంపీ కే సుధాకర్ ఓటర్లకు ఉచిత మద్యాన్ని ఏర్పాటు చేసినట్లు పోస్టులు సోషల్ మీడియాలో వైరల్ అయిన సంగతి తెలిసిందే. ఎన్నికల్లో విజయాన్ని అందించినందుకు గాను ఆయన ఈ పార్టీని ఏర్పాటు చేసినట్లు వచ్చిన ఆ వార్తల్ని ఎంపీ ఖండించారు. ఆ పార్టీకి తనకు సంబంధం లేదని స్పష్టం చేశారు. తన రాజకీయ జీవితంలో ఇలాంటి పనులెప్పుడూ చేయలేదని, ఇది ఎవరు చేసినా తప్పేనని పేర్కొన్నారు.