News February 2, 2025
ఆ రోజు నుంచి నా టైమ్ను 8 నిమిషాలు ముందుకు జరిపా: సచిన్
16 ఏళ్ల వయసులో 1989లో తొలిసారి వెళ్లిన పాకిస్థాన్ టూర్ తనకు ఎంతో నేర్పిందని సచిన్ చెప్పారు. BCCI అవార్డుల వేడుకలో మాట్లాడుతూ ‘ప్రాక్టీస్ కోసం రోజూ ఉ.9 గంటలకు హోటల్ నుంచి బస్సు వెళ్లేది. ఓ రోజు నేను ఆలస్యమవడంతో కపిల్ దేవ్ నన్ను పిలిచి ఇప్పుడు 9 అయిందా? అని అడిగారు. అప్పటి నుంచి నా వాచ్ టైమ్ను 7,8 నిమిషాలు ముందుకు జరిపా. ఆ పర్యటనతో నేనెంతో నేర్చుకున్నా’ అని పేర్కొన్నారు.
Similar News
News December 19, 2025
SIR: నేడు తమిళనాడు, గుజరాత్ లిస్ట్స్ విడుదల
ఓటర్ లిస్ట్ స్పెషల్ ఇంటెన్సివ్ రివిజన్లో భాగంగా తమిళనాడు, గుజరాత్ ఓటర్ల జాబితాను ECI కాసేపట్లో విడుదల చేయనుంది. ఆరు నెలల్లో అసెంబ్లీ ఎన్నికలు ఉండటంతో బెంగాల్ తరహాలో అభ్యంతరాల స్వీకరణకు నెల రోజుల గడువు మాత్రమే ఇచ్చే అవకాశముంది. కాగా ఇటీవల SIR పూర్తైన బెంగాల్లో 58 లక్షల ఓట్లు, రాజస్థాన్: 42L, గోవా: 10L, పుదుచ్చేరి: లక్ష, లక్షద్వీప్: 1500 ఓట్లను తొలగించారు.
News December 19, 2025
కూరగాయల మొక్కల్లో వైరస్ తెగుళ్ల కట్టడి ఇలా
తోటలో వైరస్ లక్షణాలున్న మొక్కలను లేదా రసం పీల్చే పురుగుల ఉనికిని గమనిస్తే వాటి నివారణకు లీటరు నీటికి థయోమిథాక్సామ్ 0.3గ్రా. లేదా ఇమిడాక్లోప్రిడ్ 0.5ml కలిపి పిచికారీ చేయాలి. కాపుకొచ్చిన మొక్కలో వైరస్ వల్ల ఆకులు పాలిపోతే వాటి కాయల దిగుబడి, నాణ్యత పెంచేందుకు లీటరు నీటికి 10గ్రా. యూరియా, 3గ్రా. ఫార్ములా-4 సూక్ష్మపోషక మిశ్రమాన్ని కలిపి అవసరాన్ని బట్టి నెలరోజుల వ్యవధిలో 2-3 సార్లు పిచికారీ చేయాలి.
News December 19, 2025
దూసుకెళ్తున్న టైర్ల కంపెనీల షేర్లు
టైర్ల కంపెనీల షేర్లు శుక్రవారం భారీ లాభాల్లో దూసుకెళ్తున్నాయి. ఇంట్రాడేలో JK టైర్ 7%, సియట్ 5%, అపోలో టైర్స్ 3%, TVS శ్రీచక్ర 3%, MRF 2% వరకు పెరిగాయి. ఇటీవల రబ్బర్ వంటి ముడి పదార్థాల ఖర్చుతో పాటు GST తగ్గడం, వాహనాల అమ్మకాలు పెరగడం వంటి సానుకూల అంశాలు టైర్ కంపెనీల షేర్ల ర్యాలీకి కారణమవుతున్నాయి. నెక్స్ట్ క్వార్టర్లో ఆయా కంపెనీల లాభాలు భారీగా పెరిగే అవకాశం ఉందని ఇన్వెస్టర్లు అంచనా వేస్తున్నారు.