News November 19, 2024

నాకు 4 రోజులు టైం కావాలి.. పోలీసులకు RGV మెసేజ్

image

AP: తనపై నమోదైన కేసులో రాంగోపాల్ వర్మ పోలీసుల విచారణకు హాజరు కాలేదు. తనకు 4 రోజులు సమయం కావాలంటూ ఒంగోలు పోలీసులకు వాట్సాప్ మెసేజ్ పంపారు. చంద్రబాబు, పవన్, లోకేశ్‌లపై ఆర్జీవీ అసభ్యకర పోస్టులు పెట్టారని టీడీపీ నేత రామలింగం పోలీసులకు ఫిర్యాదు చేశారు. ఇందులో భాగంగా 5 రోజుల క్రితం పోలీసులు HYDకు వచ్చి RGVకి నోటీసులు ఇచ్చారు. ఇవాళ ఆయన ఒంగోలు సీఐ కార్యాలయానికి రావాల్సి ఉంది.

Similar News

News November 29, 2025

గెలవడంపైనే దృష్టి.. రుతురాజ్‌కు అవకాశాలు: KL రాహుల్

image

SAతో టెస్ట్ సిరీస్ ఓటమిని మర్చిపోయి ODI సిరీస్ గెలవడంపై దృష్టి పెడతామని టీమ్ ఇండియా కెప్టెన్ KL రాహుల్ అన్నారు. రేపు SAతో తొలి ODI సందర్భంగా ప్రెస్‌తో మాట్లాడారు. ‘రోహిత్, కోహ్లీ ఉండటం వల్ల డ్రెస్సింగ్ రూమ్‌లో కాన్ఫిడెన్స్ పెరుగుతుంది. ఈ సిరీస్‌లో రుతురాజ్‌కు అవకాశం ఇవ్వాలని అనుకుంటున్నాం. పంత్ ఆడితే అతడే కీపర్ బాధ్యతలు తీసుకుంటాడు. స్పిన్‌ను బెటర్‌గా ఆడటంపై దృష్టిపెడుతున్నాం’ అని పేర్కొన్నారు.

News November 29, 2025

శ్రీలంకలో చిక్కుకున్న ఏపీవాసులు.. స్పందించిన మంత్రి లోకేశ్

image

AP: దిత్వా తుఫాన్‌ కారణంగా భారీ వర్షాలు శ్రీలంకను ముంచెత్తుతున్నాయి. దీంతో పలు విమానాలు రద్దయ్యాయి. ఈ క్రమంలో కువైట్ నుంచి ఇండియాకు వస్తున్న నెల్లూరు(D)కు చెందిన ఏడుగురు ప్రయాణికులు శ్రీలంకలోని కొలంబో ఎయిర్‌పోర్టులో చిక్కుకున్నారు. చెన్నైకి రావాల్సిన విమానం రద్దవడంతో రెండు రోజులుగా తీవ్ర ఇబ్బందులు పడుతున్నారు. వారిని వెంటనే APకి తీసుకొచ్చేందుకు చర్యలు తీసుకుంటున్నట్లు మంత్రి లోకేశ్ తెలిపారు.

News November 29, 2025

మునిషన్స్ ఇండియా లిమిటెడ్‌లో అప్రెంటిస్ పోస్టులు

image

మునిషన్స్ ఇండియా లిమిటెడ్‌ 50 అప్రెంటిస్ పోస్టులకు దరఖాస్తులు కోరుతోంది. ఇంజినీరింగ్ డిగ్రీ, డిప్లొమా అర్హతగల వారు DEC 10 వరకు ఆఫ్‌లైన్‌లో అప్లై చేసుకోవచ్చు. సివిల్, ఎలక్ట్రికల్, ఎలక్ట్రానిక్స్& టెలికమ్యూనికేషన్, మెకానికల్, ప్రొడక్షన్ విభాగంలో పోస్టులు ఉన్నాయి. NATS పోర్టల్‌లో రిజిస్ట్రేషన్ తప్పనిసరి. గ్రాడ్యుయేట్ అప్రెంటిస్‌కు నెలకు రూ.12,300, డిప్లొమా అప్రెంటిస్‌కు రూ.10,900 చెల్లిస్తారు.