News August 17, 2025
నేను రాజకీయాల్లోకి రాను: పాక్ ఆర్మీ చీఫ్
తనకు రాజకీయాలపై ఆసక్తి లేదని పాకిస్థాన్ ఆర్మీ చీఫ్ అసిమ్ మునీర్ ఓ ఇంటర్వ్యూలో స్పష్టం చేశారు. ‘నన్ను దేవుడు పాక్ రక్షకుడిగా పంపాడు. నేను సైనికుడిని. ఇలాగే ఉంటా. దేశం కోసం ఆత్మబలిదానానికైనా సిద్ధం. రాజకీయాల్లోకి వెళ్లాలనే ఆలోచన లేదు. పాకిస్థాన్‌లో రాజకీయ సంక్షోభం తలెత్తే అవకాశం లేదు’ అని చెప్పారు. అమెరికా, చైనా రెండూ తమ మిత్ర దేశాలేనని.. ఒక ఫ్రెండ్ కోసం మరొకరిని వదులుకోలేమని తేల్చి చెప్పారు.
Similar News
News August 17, 2025
ముగ్గురు MLAలపై సీఎం తీవ్ర ఆగ్రహం
AP: అనంతపురం <<17432318>>ఎమ్మెల్యేపై<<>> ముఖ్యమంత్రి చంద్రబాబు తీవ్ర ఆగ్రహం వ్యక్తం చేశారు. గ్రూపు తగాదాలు, అంతర్గత విభేదాలతో పార్టీకి నష్టం చేసే చర్యలు ఎవరు చేసినా ఉపేక్షించేది లేదని హెచ్చరించారు. ఆముదాలవలస, గుంటూరు ఈస్ట్ ఎమ్మెల్యేలపై వచ్చిన వార్తలపై CM అసంతృప్తి వ్యక్తం చేశారు. కొన్ని సార్లు తప్పు లేకపోయినా, తప్పుడు ప్రచారం జరుగుతున్నా నేతలు వెంటనే బయటకు వచ్చి ప్రజలకు వాస్తవాలు చెప్పాల్సిన అవసరం ఉందన్నారు.
News August 17, 2025
రాధాకృష్ణన్‌కు ఎంతో అనుభవం ఉంది: మోదీ
NDA ఉపరాష్ట్రపతి అభ్యర్థిగా ఎంపికైన <<17436566>>C.P. రాధాకృష్ణన్‌కు<<>> ప్రధాని మోదీ అభినందనలు తెలిపారు. ‘ఎంపీగా, గవర్నర్‌గా రాధాకృష్ణన్‌కు ఎంతో అనుభవం ఉంది. ప్రజాజీవితంలో అంకితభావంతో పని చేశారు. ఆయనకు రాజ్యాంగంపై మంచి పట్టు ఉంది. NDA కూటమి ఆయన్ను ఉపరాష్ట్రపతి అభ్యర్థిగా ఎంపిక చేసినందుకు ఆనందంగా ఉంది’ అని ట్వీట్ చేశారు. మరోవైపు ఏపీ సీఎం చంద్రబాబు సైతం రాధాకృష్ణన్‌కు అభినందనలు తెలిపారు.
News August 17, 2025
అఫిడవిట్ అడిగిన CEC.. స్పందించిన రాహుల్
CEC <<17435119>>వ్యాఖ్యలపై<<>> రాహుల్ గాంధీ స్పందించారు. ‘ఈసీ నన్ను అఫిడవిట్ అడిగింది. నా లాంటి ఆరోపణలే చేసిన అనురాగ్ ఠాకూర్ (బీజేపీ నేత)ను ఎందుకు అడగలేదు. MH అసెంబ్లీ ఎన్నికలను NDA క్లీన్‌స్వీప్ చేసింది. ఆ ఫలితాలపై రీసెర్చ్ చేశాం. 4 నెలల్లో ఈసీ కోటి ఓట్లు చేర్చినట్లు గుర్తించాం. లోక్‌సభ, అసెంబ్లీ ఎన్నికల్లో మాకు వచ్చిన ఓట్లలో తేడా లేదు. కొత్తగా వచ్చిన కోటి ఓట్ల వల్లే ఎన్డీయే గెలిచింది’ అని వ్యాఖ్యానించారు.