News January 12, 2025
WC ఆడుతూ యువీ చనిపోయినా గర్వపడేవాడిని: తండ్రి యోగ్రాజ్
క్యాన్సర్తో బాధపడుతూ, రక్తపు వాంతులు చేసుకుంటూ 2011 WCలో యువరాజ్ ఆడిన ఇన్నింగ్స్లు ఎప్పటికీ చిరస్మరణీయం. ఆ ఘటనపై తాజాగా ఆయన తండ్రి యోగ్రాజ్ స్పందించారు. దేశం కోసం WC ఆడుతూ తన కొడుకు చనిపోయినా గర్వపడేవాడినని తెలిపారు. ఇదే విషయం అప్పట్లో యువీకి ఫోన్లో చెప్పానని గుర్తుచేసుకున్నారు. ‘నువ్వు బాధపడకు. నీకు ఏం కాదు. దేశం కోసం వరల్డ్ కప్ గెలువు’ అని ధైర్యం నూరిపోశానని పేర్కొన్నారు.
Similar News
News December 14, 2025
ఓటుకు రూ.40వేలు.. రూ.17 కోట్ల ఖర్చు?
TG: సంగారెడ్డి జిల్లా పటాన్ చెరు మండల పరిధిలో ఓ సర్పంచ్ అభ్యర్థి ఎన్నికల్లో గెలిచేందుకు రూ.17 కోట్లు ఖర్చు చేసినట్లు ప్రచారం జరుగుతోంది. ఓటుకు రూ.40వేల చొప్పున పంచడమే కాకుండా మహిళా ఓటర్లను ఆకర్షించేందుకు వెండిగ్లాసులు, బంగారు నగలు పంపిణీ చేశారని తెలుస్తోంది. మద్యం పంపిణీకే రూ.4 కోట్లు ఖర్చు చేశారని టాక్. అటు మరికొన్ని చోట్ల గెలిచేందుకు అభ్యర్థులు రూ.లక్షల్లో వెచ్చించినట్లు సమాచారం.
News December 14, 2025
బాలకృష్ణ, బోయపాటి.. 4 సినిమాల్లో ఏది నచ్చింది?
నందమూరి బాలకృష్ణ, బోయపాటి శ్రీను కాంబోలో సినిమా అంటే యాక్షన్ భారీ స్థాయిలో ఉంటుంది. హిట్ పెయిర్గా పేరు తెచ్చుకున్న వీరి కాంబినేషన్లో ఇప్పటివరకు 4 సినిమాలొచ్చాయి. సింహా(2010), లెజెండ్(2014), అఖండ(2021), అఖండ-2: తాండవం(2025) మాస్ ప్రేక్షకులను మెప్పించాయి. ఈ సినిమాల్లో బాలకృష్ణ గెటప్స్, డైలాగ్స్, ఫైట్స్ స్పెషల్ అట్రాక్షన్గా నిలిచాయి. మరి వీటిలో మీకు బాగా నచ్చిన మూవీ ఏంటో కామెంట్ చేయండి.
News December 14, 2025
బయోటిన్ రిచ్ ఫుడ్స్ ఇవే..
గోళ్లు, చర్మం, జుట్టు, కళ్లను ఆరోగ్యంగా ఉంచడంలో బయోటిన్ కీలకపాత్ర పోషిస్తుంది. అయితే దీనికోసం కొందరు సప్లిమెంట్లు వాడుతున్నారు. ఇలా కాకుండా గుడ్డు పచ్చసొన, బాదం, చిలగడదుంపలు, సాల్మన్ ఫిష్, ఆకుకూరలు, పండ్లు, సన్ఫ్లవర్ విత్తనాలు వంటివి తింటే బయోటిన్ సహజంగా అందుతుందంటున్నారు నిపుణులు. వీలైనంత వరకు సప్లిమెంట్లకు దూరంగా ఉండాలని, అత్యవసరమైతే వైద్యుల సలహా తీసుకోవాలని సూచిస్తున్నారు. #WomenHealth