News August 29, 2025
మహిళల క్రికెట్ కోసం గూగుల్‌తో ICC ఒప్పందం
ఉమెన్ క్రికెట్‌ను గ్లోబల్‌గా ప్రమోట్ చేసేందుకు గూగుల్ సంస్థతో ICC ఒప్పందం చేసుకుంది. దీని ద్వారా ఎక్కువ మందికి ఉమెన్ క్రికెట్ గురించి తెలిసే అవకాశం ఉంటుంది. ఉమెన్స్ వరల్డ్ కప్ 2025, ఉమెన్స్ T20 వరల్డ్ కప్ 2026 ఈవెంట్లను ప్రమోట్ చేయడంలో ఈ పార్ట్‌నర్‌షిప్ కీలకంగా వ్యవహరించనుంది. ఆండ్రాయిడ్, గూగుల్ జెమిని, గూగుల్ పిక్సెల్, గూగుల్ పే వంటి సర్వీసెస్ ద్వారా ఉమెన్ క్రికెట్‌ను ప్రమోట్ చేయనున్నారు.
Similar News
News August 29, 2025
‘మహావతార్ నరసింహ’కు భారీగా కలెక్షన్స్
యానిమేటెడ్ సినిమా ‘మహావతార్ నరసింహ’ విడుదలై నెల రోజులు దాటినా ప్రేక్షకుల నుంచి ఇంకా మంచి ఆదరణ లభిస్తోంది. ఈ మూవీ ప్రపంచవ్యాప్తంగా ఇప్పటివరకు రూ.300 కోట్లకు పైగా గ్రాస్ వసూళ్లు రాబట్టినట్లు నిర్మాణ సంస్థ హోంబలే ఫిల్మ్స్ ప్రకటించింది. మహా విష్ణువు నరసింహావతారం ఆధారంగా తెరకెక్కిన ఈ మూవీకి అశ్విన్ కుమార్ దర్శకత్వం వహించారు. ఈ ఫ్రాంచైజీలో మహావిష్ణువు అవతారాలపై మరిన్ని సినిమాలు రానున్నాయి.
News August 29, 2025
ట్రంప్ ఫ్రస్ట్రేషన్‌తోనే ఇండియాపై 50% టారిఫ్స్: Jefferies
ట్రంప్ తన వ్యక్తిగత ఫ్రస్ట్రేషన్‌తోనే ఇండియాపై 50% టారిఫ్స్ విధించారని గ్లోబల్ ఇన్వెస్ట్‌మెంట్ బ్యాంక్ ‘Jefferies’ అభిప్రాయపడింది. సుంకాలకు వాణిజ్యం ముఖ్య కారణం కాదని పేర్కొంది. భారత్-పాకిస్థాన్ యుద్ధంలో మూడో దేశం మధ్యవర్తిత్వానికి ఇండియా ఒప్పుకోకపోవడం ట్రంప్ ఫ్రస్ట్రేషన్‌కు ప్రధాన కారణమని వెల్లడించింది. అలాగే అమెరికా వ్యవసాయ ఉత్పత్తులను భారత్ మార్కెట్‌లోకి అంగీకరించకపోవడమూ ఓ కారణమని తెలిపింది.
News August 29, 2025
బ్రాంకో టెస్ట్‌కు రోహిత్ సిద్ధం.. ఎప్పుడంటే?
యోయో, బ్రాంకో టెస్టుల్లో పాసయ్యేందుకు టీమ్ ఇండియా వన్డే కెప్టెన్ రోహిత్ శర్మ తీవ్ర కసరత్తులు చేస్తున్నారు. తన ట్రైనర్ అభిషేక్ నాయర్ ఆధ్వర్యంలో జిమ్ సెషన్స్‌లో చెమటోడ్చుతున్నారు. ఎలాగైనా ఈ టెస్టులు నెగ్గాలనే కృతనిశ్చయంతో హిట్‌మ్యాన్ ఉన్నట్లు తెలుస్తోంది. కాగా సెప్టెంబర్ 13వ తేదీన రోహిత్‌కు బీసీసీఐ ఎక్సలెన్స్ సెంటర్ యోయో, బ్రాంకో టెస్టు నిర్వహిస్తుందని సమాచారం.